９月４日：又係八點九起身，梳洗完落樓食早餐，仍舊是很濃的明光汁，飽晒等齊人（我，Jill，P，Tom），又去了SM，這天幾乎是最後衝刺了，要買什麼都要趁快！所以買了很多明光乾！
雖然SM + Shangri-La Plaza加埋一齊大過氹仔，但都是沒有什麼可買，Jill又買了露營用品，呸！真是“司馬昭之心”！之後去找上次見到有包包買的地方，但發覺拱北和這裡的差不多，最後打消念頭不買了。
快到lunch time了，去了SM買…杯面，今餐cheap少少，之後回酒店了。四丁友吹左陣水食埋杯面，就要準備最後一場show了，換好衫即落lobby等，通常我地幾個年紀最細的好易比人挑骨頭，所以一定要做最先到的幾個！等候期間，有個男人走黎問我地：“你地係咪祖國架？”原來是珠海人，問得真搞笑！
夠鐘出發了，等到四點出場，剛開場不久已看到昨天認識的菲律賓朋友，他們果然來了！老實說，我只得記佢地阿sir尤利先生，兩位超級美女同一個男仔的名，昨天一下子記成十幾個，點記啊？同ｄ靚女打下招呼先！第一場完左後就同Jill，P，Carter等人用有限的英文同佢地溝通，當然又雞同鴨講啦！原本話想帶我地買手信的，但因為五點有一場，一小時不到的時間，所以佢地話第二場完左先帶我地去。
第二場時得阿Yuri san同兩住靚女睇我地！很順利地完了第二場，佢地再加多幾個人就帶我，Jill，P，Tom，Carter同金來出去買野，但一出去就落滂沱大雨，係個很細的蓬下避雨兼吹下水，見ｄ雨細少少，就回去了，因又差不多第三場了，回去途中，又突然落大雨，避都無得避。
由於下雨，唯有去返表演戈間巨型商場買，佢地帶左我地去一間比較地道的精品店，其實都係無乜野買，但佢地一心帶我地黎，我地又唔好意思唔買，最後我係咁ｅ買左隻杯。差不多夠鐘了，同佢地說再見，再影返幾張相～
最後一場表演了，當然是以成功終結，完左就同ｄ音響握手say goodbye！之後直接陪Jill上去換野，順便我買了些頗趣緻的小食，之後回去換衫了，順便係咁ｅ先執少少野。
Jill話唔夠錢洗，係咁遊說我加多少少錢換佢個大帳幕，只需加多P200，除返７，低到爛！OK！Deal！仲比多P50貼士佢添！
一出酒店就落雨，囉左兩把遮，去今天原本那班菲律賓想帶我們去的商場，叫“Starmall”，去到行左唔夠十五分鐘，就關門了，居然九點便關門了！
晚飯去了商場裡仍未關的m記，頂！平到喊！Jill叫左兩個餐加埋都只係澳門幣廿蚊多少少～今晚我將我自己的第一次俾左菲律賓，我第一次食麥旋風耶～！
Tom仔叫戈個餐超搞笑，麥樂雞裡有一團飯，食完再吹陣水返去了，去到lobby度又想起今晚是最後一晚，之後折返去7-11買左幾罐啤酒。
原本諗住即上樓執好行李再沖涼飲酒的，但因HBO台做緊未來戰士三，即係要我睇先可以完成啦。之後我，jill，P，Tom四丁友，係度邊飲邊吹，好搞笑！阿蕭叫我地好好睇實Tom仔，我地卻叫佢飲酒，最後仲chock佢ｄ秘密，我地三人是他的損友～之後想chock我，區區兩罐，我又點會咁易講呢～
之後吹到三點零，睡了，四人兩床大被同眠。