9月1日：…坐左差不多半百，Tom仔一早到了，仲有佢個穿著濠江校服的frd。這時好像才四點半多ｄ，再等等等，其他人陸續到了。果然…jill又在表演佢ｄ魔術了，悶！
五點check-in，又等多陣先入候機室，真懷念上次的台灣之旅呢！這個鐘數仍未覺得眼訓，看見jill連跳舞戈班人都唔放過，又在show佢ｄ magic了。
上機了，準時起飛，同些不太熟的坐，食過那豐富的“早餐”後，再小睡一會，很準時，十點到了馬尼拉機場，一落機就見到好多菲律賓人，在長走廊通道還有三個人玩緊音樂歡迎我地呢！
出到去，見到幾間兌換店，頂！1 HK = 7 PISO？！之後坐預備好的旅遊巴去我們將會下榻的酒店，沿途見到好多有趣的鐵皮車，介乎巴士同的士之間～
十二點未到便到了Edsa Shangri-La Hotel，入去前有警犬聞聞我地，入到去原來未有房，話２點先有，唯有等下啦，影下相咁啦，之後一直在LL（-１）樓等著，看看今晚的表演場地。試完場地又上lobby等，等齊一大group人後齊齊去酒店，去一間與酒店同名的巨型商場，Shangri-La Plaza，超大！先去看一看明天打後的表演地方，唔錯呀！圍住好多展覽板，仲有一塊假的大三巴。之後大伙兒再去商場地下吃東西，點零鐘到，叫的時候有難度，因聽不明他們菲律賓式的英文。味道一般，快餐的關係吧。發覺份量很少，難怪菲律賓人大多比較矮小。
之後自由活動了，好似六點要準時換好衫在酒店地下的大廳等表演。所以我們把握時間先逛了一會，真係大得恐怖，這裡雖是屬於五星級酒店的商場，但價錢卻比澳門便宜，某些更平到要大叫ｐｋ！買了條牛仔褲，都係P400，仲有好多衫都好平，都想買，但又唔知點解唔買。和我們一起逛的還有cartar。
之後再逛逛超市，買了些日用品同野飲，幾乎超時了，即回去，放下東西再換好衫，等了一會出場了，都幾順利，見到個好似叫安楝樑的人，完左又係等，食人地食剩的東西，都好過無！之後又走返台上大合照了，第一日表演完成了！
回房間，換好衫再等埋P，Tom仔，就落街周圍行了，俾佢地係咁搞我個頭就出去了。這個鐘數商場裡的食店都關得7788，走出去吧，見到阿蕭佢地食緊野，我地扮晒出去宵夜咁，費事又比佢話我地咁晏都未食晚飯，係佢地旁邊每人買左個雪糕食，幾好食啦！
行出走店範圍，眼前境物開始變了，都是看來比較落後的地方，過馬路看紅綠燈是多餘的，跟著人羣過，走路都要小心點，包括好好睇實Tom仔，很多人都眼定定咁望我們呢！
仍是周圍走，附近的食店不是關了門就是不大合胃口，過左條超高的行人天橋後，終於找到間中式的快餐店了，叫左個海鮮炒飯同菠蘿汁，回去了，過天橋時給一個十來歲的小孩跟著要錢，我們當然不給啦，之後佢死跟著Tom仔要錢，佢太易恰嘛，唉！將來怎出社會呢？
之後好似去了間有異味的7-11，沒什麼東西買，回去了！才十一點都未到，做過些什麼呢？忘記了，看了會電視吧！沖完涼出來，jill已打橫睡在兩張床了，這間酒店的兩張床是拍埋一齊的～我又看了會電視，寫了點點日記，都睡了。三十多小時沒睡呢！