８月２５日：早上被個msg哈哈哈哈哈…醒了！再收到叮叮的電話，超好彩！否則我一定遲到，超感激呢！
返到去剛好搭正九點，早上當然不會有事幹啦～自己找吧，又開了環境的material來看，一路發夢一路看，上網見到開會時間真的改了！坐多陣，就咁放工了。
中午又食大堂炸雞，越無益的食物總是越美味的，仲見到我大一時的助教，現職LECM。祺昨天買左w800i呀！好正啊！之後又去了昨天那裡，再找個地方坐坐，又夠鐘。見到小學教社會的張生，中學的miss毛同黃香ｘ，行多陣仲１見到miss Khin～
下午更是無聊，看完了一份material沒事幹，打日記，post日記，很快地又放工，現在想想又真係覺得幾快，還有一個工作天便完成這個實習了～
阿媽打來說上大陸食自助餐，但我依然走路回家，行紅街市戈邊的話，走筷子基海邊會快點～
海邊有超多人，仲有d死o靚仔係度放風箏，開頭都沒啥事，行到球場附近時後面放風箏個o靚仔突然兜到我前面，見到風箏徐徐掉下又即刻走返轉頭，結果條線就正正的在我頸上劈了過來，一陣灼熱，諗到唔諗即刻用手格硬扯斷條線，好彩！反應再慢少少又或者條線扯不斷的話，咁就會一世，因為整條頸大動脈正正在那個位置，那時我的最先反應居然是憤怒，否則我也不會有那麼大的力氣徒手扯斷條風箏線，當然我少不免要怒罵上他幾句，但聽到旁邊d人說個風箏跌緊落海時，我又有點不知怎的，但又想起幾乎出事時怒氣又蓋過那感覺，結果這兩種emotion在我回家時輪流更替，妖！真白痴！
回到家時傷口仍隱隱作痛，照照鏡見到一條好清楚的血痕，作過簡單清潔後換過件衫便上大陸了，去華駿酒店二樓食buffet，還以為會有其他人，原來得媽同細佬，佢地都食左一半了，之後仲上埋去三樓歌舞廳，由得我自己繼續食，食戈陣隔離檯問我轉電視台聽英文歌介唔介意，沒問題啊，之後佢就狂聊我傾計，原來是澳門人，好搞笑，我又唔係女仔，居然都會被人聊傾計～最搞笑係佢講十句我先回佢幾句，佢居然話我好傾，唔係掛～我最弱就係同人傾計。
上到去又係坐好無聊，好０２地見到有班女仔出面係呢ｄ地方，居然我細佬識的，原來又係聖記，十一點幾走，回到家又是看完尋秦記就上網。我有沒有記錯呢？怎麼電腦沒紀錄？今日見到好多聖記人～

ｐ．ｓ．事後想起，那條該不會是玻璃線吧，是的話不單是我條頸，我想連我手掌都會斷到條條fung，而且我怎可能扯得斷呢？不想了，沒事就好～