８月２４日：早上阿媽入房叫醒我，睇睇時間，剉屎！九點正，即仆落床刷好牙狂奔去巴士站，遲到了半個鐘。
仍舊是偷偷地msn，十點幾繼續呆坐，但不知為何，雖是呆坐，時間卻過得蠻快，習慣了嗎？
中午去了好面膳食，之後周圍閒逛，逛逛下我和祺逛了入玫瑰堂，仲上到頂添，d木板好似好唔穩陣咁，但入面都幾靚。佢又狂睇手機，之後又夠鐘返工了。
下午好晏先出去，同另一位工程師出去，去祐漢民安幼稚園，入面d小朋友廁所超可愛，個馬桶仔圓直徑仲細過我euphonium的bell口，洗手盤我要痞底先夠矮用到～之後又去了高美屎，成五點八先返到去，send埋日記上mail便走了。
今日個天隨時落雨咁，所以坐公車，又上了wig家坐坐，係佢腦度睇返我地三理乙畢業前後的相，正啊～！
之後回家，一路食面一路睇兩集更加入心入肺的海豚灣戀人，之後入書房，阿媽睇唔過眼下午時執晒間房，我返來時已經到我有些有用的書簿（其實是我中學keep住那些）全都pat係一邊想扔掉咁，我當然又執返晒入去啦，再認認我那些雜物的新位置，發覺自己真的很迂腐！
咁就夠鐘尋秦記了，睇完沖埋涼上網，send封mail比個助教希望佢同教授講改時間開會～差不多四點先訓。