７月１３日：七點八醒左，即刻換好衫，囉支樂器，再去買九文魚包（咦？明明係吞拿魚，我諗我戈時未醒得晒！）同媽媽奶，就趕返學了，這天好似係招生音樂會，林＋＋沒樂器用，我拿了去表演用，我只會用陪了我八年的樂器，我出門時細佬先岩岩起身，係後門已見到叮叮等緊，入到去，嘩！很久也沒看過這情景了，好多學生呀，咁就三年多了。
入去管樂室，見到猩媽同kamen，唔知猩媽係度添，所以沒買多份。坐一陣食個包先！kamen唔講我都唔記得要集隊同祈禱呢樣野，如果而家唔走就要等八點半了，唉！走吧！
出去坐八路車，回到去先八點七，周圍行下先，唔想咁早返去蝕比佢。我想過咭時發覺，原來我無帶張返工咭！剉屎了！咁岩見到個科長，佢叫我係做訪客登記喎，唉！我個腦到底用黎裝什麼？
整個朝早，十分十分難熬！可以說全程都是處位線眼階段，之後得悉那個招生音樂會無奈地取消改期了……直到一點放工，這天原本和魚魚食的，但改了明天，所以我又和carmen食，去國華旁的餃餃震食，等位其間見到我地面前張台，原來係初二班主任馬ｘ晴，有點不屑佢，佢只係睇人睇表面的，唔理佢，自己食自己，食完又逛下信達城，好悶下！
又返工了，下午和上午一樣都係十分難挨，九成時間都是線眼狀態，是今早太早起來的關係嗎？
終於放工了，看看銀包，得幾毛錢，走路回家吧，反正又不是沒試過，唉！去完台灣的後果，等緊月尾出糧我就有返少少錢了。回到家，看到電視有犬夜叉做，不過又是重播大半年前的，之後阿麻打來叫我過去食飯，好彩！如果唔係又要挨餓，但，我在沙發上睡著了，到九點先醒，食完飯回家，又睇電視，睇埋尋秦記就去左上網，我又是在經常胡思亂想，有點害怕到夜晚，越來越怕會失眠。