剛剛過左一個難忘ge3.8~

果晚同老公去完街之後返屋企途中發生左d 小意外，係果陣我地都嚇親未識反應，返到屋企後我提議都係上山頂睇醫生檢查一下，係去醫院途中，大家都係驚魂未定，心想快d 到醫院，到左醫院掛左號，好快就有得見護士，或者因為我係去睇產科急診，量過體溫後，就上左產科急診室，老公只可以陪我去到門口，之後佢只可以係外面等，我入到去護士幫我量血壓後，就叫我訓上床，原來係要聽阿b ge心跳聲，當我聽到心跳聲真係鬆左一口氣，真係好想立刻出去同老公佢講，但原來要觀察阿b ge心跳聲至少要半個鍾，係呢半個鐘入面我知道老公一定會好擔心，真係好想時間快d 過!係產科急診室內只得我一個人同阿b ge 心跳聲，我望住個鐘一分一秒咁過，呢半個鐘真係好漫長，好難過，護士行出黎，睇阿b ge 心跳報告，同我講話一切都好好，之後就見醫生，醫生都話一切正常，無事可以返屋企啦!行到出去終於可以同老公講無事，佢仲同我講話奶奶不停咁打畀佢tim!因為大家都太擔心啦!終於無事可以鬆一口氣啦!其實我知道老公一直都係自責!好想話佢知我同阿b 都無怪過佢ga!不過真係唔想有下次啦!!!