有時候我會想，我的生命係咪都係比人成長得慢呢？
前日去左總堂聽區牧大藍牧師分享提醒會，我聽個陣，先發覺，原來牧師講到要去追求受洗的條件，我先係僅僅合格。
１要清楚認識神
２生命有改變
３喜愛事奉
４對教會要有家的感覺，唔會生保，唔會坐係度又唔知想做乜；會主動執拾，主動和其弟兄姊妹分享，彼此是一家人
５唔使其他弟兄姊妹特別招呼
．．．
有時弟兄姊妹話，我總於等到受洗呢一日，但調返轉頭諗，係我等神的安排，定係神等我去回應佢呢？
一切都好奇妙，我係度諗，當初自己係高三畢業爭取受洗，又會點呢？可能我當時根本唔夠格，又或者，我個陣追求的唔係神的名被高舉，而係想大家心目中對自己係信仰上有多一分認同。
我覺得，自己真係好虧欠，唔聽話，又做得唔好，所以，神讓我經歷祂更多。不論如何，後日的受洗，我很感謝神的不離不棄，我只想自己真係認識神更多，愛神更多。
頭先媽媽走入房問我受洗係星期幾，我話係星期日，佢答：「好彩啫！我星期六要上堂～！」我很感恩，神給我的超乎我所想所求的，祂真不誤事！
主呀，我又能為你作甚麼呢？