中秋節又到喇,今年望出窗,已經冇晒蠟燭火光。事實的確少左人出去點蠟燭,我諗過係唔係因為我呢一代0既青年人懶左,已經唔傾向點蠟燭,然後細[0個]班又接唔到力,搞到個場咁冷清,可惜。同網絡黃金一代0既情況好相似。時代,唉...時代。

其實,係唔係只因為公屋扣分制,先令人戒心強左?

老實講,我都好幾年冇係中秋出去玩,早幾年已經係咁,寧願係屋企嘆冷氣,上年都係去左ocamp,或者,場面冷清係由我一手做成(笑)。其實透過我上年0既去向可以見微知著,班老屎忽另有活動,就變成咁。

哈哈哈......想當年,即係我小學[0個]陣,街上0既人可以玩通宵,遊樂場0既燭光同64維園有得比,我冇誇張架,嘩...以前,附近個大型公園簡直係人山人海,同日本祭典差唔多氣氛,哈哈哈哈......俱往矣。

現在,就算出去坐0既人一到12點都收檔,邊會玩通宵?想燒蠟燭?只有64先有咁大場面。



fb5a0ee6f92a1a85e97458d677123d89.JPG