3月1日, 家姐家中的無証傭人突然劈炮走佬, 令到家姐我阿媽即時手忙腳亂, 因為此事發生後令到家姐半歲大的囡囡變得無人湊. 唯有暫時到我家由已退休的老豆看管並再另尋傭人.

這個突如其來的家庭成員來到我家的頭幾天, 真的令到我, 老豆, 阿媽無覺好訓. 因為囡囡一向由傭人湊慣, 所以很跟傭人, 因此當囡囡扭計時我們很沒有一個能夠攪掂佢. 結果早午晚甚至半夜都時常聽到囡囡的喊聲. 攪到我們每天都沒有充足的睡眠.

再加上阿媽呢排身體唔好, 湊著呢個扭計精就特別辛苦, 亦都哭過一兩次, 我唯有鼓勵她”唔好喊啦, BB好快大, 好快就唔駛湊得咁辛苦.” 阿媽聽到後總算好一點.

老豆亦因為每天都要湊呢隻扭計精, 嚴重打亂了他每天的生活節奏, 因此時常在呻湊住囡囡令到佢唔可以做乜, 唔可以做物. 因此亦萌生了”的”囡囡回鄉下搵人湊的念頭.

家姐聽到這個建議當然唔想, 還跟老豆頂撞了幾句. 因為家姐唔想錯過了自己女兒的成長過程, 好想看著她每一步的成長. 最後這個計劃都不了了之, 囡囡依然住在的家, 家姐就每天7點半左右就過來睇囡囡同喂奶, 中午回家食返又可以看一下囡囡, 夜晚放工又過來. 我想家姐一定身心好疲累. 媽媽亦比以前辛苦了, 老豆就少左嘆報紙, 訓晏覺同去公園的時間. 而我呢….如常地生活, 間唔中又可以蝦下BB, 哈….