呢幾日幾心情就好似天氣咁，好熱、好悶，令人透唔到氣，好多事令我好困擾，前途、財政、家庭、情情愛愛、友誼船..........等等等等，星期六返工既時間好漫長，好不容易至等到收工，對人歡笑背人愁既感覺一d都唔好。

收工都仲未諗到去邊好，忽然覺得自己好無用，點解咁簡單既決定都做唔到呢?!去到火炭，收到媽子call話響九龍灣見，本身想拒絕，但諗到大家成個星期都冇一齊好好咁食飯，都係應約了。響九龍塘，阿deon走過黎打招呼，唉，俾佢睇穿我好似有心事，係，無錯，我係眼濕濕，個人好頹廢，唉.....一言難盡。食食下飯，講開下星期三既事，覺得好難過，好老實講，今年最好既生日禮物係媽咪唔好做到咁瘋狂，同埋佢公司既賤人惡有惡報。

去到catalogue，個sales哥哥係咁撩我講野，好煩，雖然我都知你係要打份工，搵多d，但........我心情唔多靚囉，真係好鬼煩，求其敷衍佢幾句算啦，又要講埋d
trash talk，明白到人地都係打份工姐，所以我都控制住自己既脾氣，無出聲窒頭窒世呀，簡直係發揮人類最大既容忍力。

收到菠蘿飽個sms，佢話俾我當成陌生人既感覺好難受.............難受?!難受得過我愛到冇埋自己，忠於自己都有罪，做咩都驚得罪佢老人家，攪到咁不知所謂，都唔知為咩!!!只會怪我無時間.............係夾唔到大家得閒既時間喎，又關我事?!呢d係雙方ga..............

今日同ginny講開一個關於「能力愈大〝責任愈大」的無奈，其實同之前日記「好勝」既內容好似，好唔想做功課呀呀呀呀

星期日extend到夜晚十一點，一路做就好厭惡，但一諗到昨日又收到話non_means加息封信，唯有向現實低頭................shit

有時候覺得好似點都入唔到流，好羨慕其他同學仔都可以世界friend，奈何自己仍有幾絲高傲，結果做出好多討厭既行為，但我諗自己都係死性不改ga啦。

對於未來，好不安，連一絲陽光都睇唔到，迎面的，滿是陰霾和霧。