其實係上上個星期睇，有我心愛的Will Smith，點會唔睇先﹖抱住唔睇用腦既心情睇係幾開心，可能當日係特登唔返工，響屋企瞓成日，所以都幾精神下。好回正題，雖然個劇情係幾娘，但係包裝得好，配樂正啦，正情有想clubbing既衝動，好多位都估到係點發展，但係用既手法都幾特別，好似片頭捉狗仔個幕，好攪笑。

唔知有冇咁既職業呢﹖睇下阿主角既衣食住行都好似好luxlury喎，似乎consultant係一份唔錯既工作~~呵呵，睇完又有去ny既衝動囉。套戲俾我既感覺係教人要勇敢去愛，而且一個人真係愛你，就會連缺點都變得可愛，同埋唔好介意佢既過去 (Allegra係一個有錢有面又靚既女人，幾似Carmaren Diaz架)。其實仲咩要介意一個人既過去呢﹖咁樣只係一種冇自信、不信任對方既表現，要用心去睇一個人，聽片面之詞就只會令自己造成好多不必要既誤會。

(睇戲)之前兩日就係就職典禮，其實都好無聊下，我地個個企哂度又著哂suit咁，好似人地sell地產咁，好驚下囉。個朝又起唔到身，所以冇返anthropology，點知一返到學校就好尷尬啦，個個都好驚訝我個look，唉，其實已經都幾烏where，同出去玩又係另一個look啦，唔知呀，希望佢地唔好咁啦~~同埋媽咪盒化妝工具好好玩，哈哈。當日以為自己好過份，著boot，點知編委有人仲過份過我，搵牛仔褲扮西褲，仲要著白色鞋呀，唔係呀化?!原來我個Bo加埋個姓就變成一個地鐵站，早知用返Tramy個名啦!

過咗個典禮，食下野，睇下人地social就攪掂啦，睇住阿會長同內副，當晚就好似係佢地wedding咁「廖胡聯婚」呀 (x壺或尿x?!)，特別係阿會長上台致詞時，真係呢……..鍾意阿余冠軍既致詞，不過如果有d眼淚睇下就好啦~~~唉，大面又話唔做，咁我點好呀，依家辭職好似唔知點咁，唉，攪亂個plan啦…….

之後大家落到山，煩咗一輪就去咗稻香，成晚個個都好攪笑，又八到d野，嘻，
正一八婆仔。而且又唔貴，唔錯唔錯，之後俾媽咪blame咗一陣，就好快返到屋
企啦。之後第二日就有operation，仲要早起呀。由於同阿菠蘿包嗌交，所以佢冇陪我，本身;都冇咩野，但唔知點解一到就快做operation外山3有d驚，想反悔，但都係做咗，最無奈係d護士姐姐，個頭叫我可以慢慢換衫，點知3秒後又叫我好快手，趕頭趕命出到黎，點知佢話：「下，我講下咋喎，估唔到你又咁快既!」啤啤啤啤啤~~~~~~~好快就攪掂，本身應該要休息，但自己又想行下街，但愈行愈難過，又諗傻事，個一刻就知道自己一直都係咁冇用、咁脆弱、咁依賴，仲學咩人自立呀?同媽咪嘈咗一輪，但亦都令大家解開更多心結。

黎緊既日子都係日日做readings、好早瞓、返齊學咁濟，可能係個gpa刺激我啩?!特別係罪與罰個科令我好唔開心囉。都幾悶，返學返工咁啦。係今日有小小唔同，因為係健身王既生日，大家一齊夾$$送個backpack俾佢，希望佢鍾意啦，其實我有好多真心說話想同佢講，但張咭又唔太方便寫……今日下午本身幾唔開心 (會長知咩原因的，因為之後我再同佢講「捍衛領土」言論)，但一班人食飯都幾開心，由灣仔坐船仔到尖咀，再行去北京酒樓，餐飯係貴咗d，但乂家似乎又食得既開心，服務又好，d叔叔好攪笑，最正個賽螃蟹係無毛豆同其他無謂野食……唔，個食評都係留返遲d寫啦!!由於太飽，大家都無食糖水呀~~~~~咁就返屋企打呢個久違咗日記啦!!

響度謹祝生生日日都咁幸福開心，繼續對我地好~~呵呵，下年一齊再同你慶祝啦~~~~
好掛住grace呀，上次留咗icq俾佢，又冇feeback，好擔心呀
彭于晏現身可樂廣告呀，以為佢唔見咗人，本身自己又幾鍾意佢，幾怕佢冇人要呀…………….
黎緊有好多挑戰，都唔知點算呀……………