返左份工四日，感覺，好像跑了四次馬拉松
係中心度走上走落，今日仲走埋落一個冇冷氣冇風扇既運動場
又做多次燒賣，「乾蒸燒賣」
我一日出既汗，多過一樽水
今日係我正式返工的第三日
跟了三日自動波的興趣班，我阿頭讚左我兩次
好驚，好驚佢會要我不停一個星期返足七日，俾晒我一個跟
佢已經冇理過我架啦
其實我冇所謂，冇人管仲好；但我好想放假…

這兩日收工路過，駭然燈還亮著
昨天還特意走了回去，在樹下在七仔躊躇著
就因為駭人地我驚見你的同工
又因為那種明明無嗅無味，但又分辨得來的味道
那夜有一首歌曲浮游於空氣裡
是一首舊歌的上集

這就是我的主動。

今晚約左不良少女selin
兩個人發左癩咁食左個3-5個人份既KFC桶餐
後面有四個女仔，食緊同我地一樣份量既雞桶
食到要棒住個肚腩走
之後走了一會，就上“貓地攤”繼續
本來諗住安安定定飲野…
識我既，都知我有鼻敏感。雖然唔算太嚴重，但貓毛同貓味對我來說
都係生人勿近；所以今次我係俾足面壽星女，先自動上釣
加上之前去過幾次，大多數都頂得順；所以以為今次…
以為lor…..

今次，我都係冇鼻水，但就驚心動魄左一晚
事緣鄰坐的一男一女因為引貓，攪到隻黑貓走左過黎我度
我只係望左佢一下，佢唔知點解，走左上我大脾
仲一伏就大半個鐘
嚇死我呀，我隻腳，我個大脾呀
雖則唔重；但又驚整到佢，佢會抓我喎
不過知坐在我對面的朋友喜歡貓，就張大了膽子
摸摸看，順道留佢下來。
(不過依家諗起，都起起地雞皮，又幾為自己的大膽而驚訝
不過個刻真係冇諗咁多)
鄰坐的兩個罪魁禍首見到，不停話我勁
我忍唔住同佢地講「其實我驚貓架」
嚇死個女仔之餘，佢話「但係佢好鍾意你喎」
一定係因為汗味同防曬味

我諗好多人都會好羨慕我，加上之後佢仲伏左係我身邊，直到我走
但我，其實對於這個搾取金錢的工具，有點傷感

ps-selin,希望個tiramisu冇變壞啦，唔係要你生日流流不停肚痛就大件樹
我會負責架，以身相許，夠味?

-張相我新偷回來的!