2011-08-13 18:14:41小慧
咱愛做一個對國家、社會有利益的人---聽趁姚嘉文博士講舊金山和約的時代背景和意義、影響
今仔日是農曆鬼門開，也是禮拜日，阮到台灣公義行動教會做禮拜，禮拜中牧師講到保羅時代傳福音也會被關來講起台灣在白色恐怖時代講國家公義也會被關做比較，而且他講到台灣人選舉選襘贏是因為台灣人愛錢、不顧別人死活，最後講起聖經內只有講四項事，就是國家有公義、公平、做大的要謙卑疼弱勢、耶穌基督是咱的救主，他替咱死，最後他用基督徒不能有仇恨作結束。
續接民主論壇姚嘉文主講舊金山和約的時代背景和意義、影響，他首先講起國民黨教育給台灣人觀念錯亂，其實舊金山和約已經給台灣主權，因為該約只規定日本放棄台灣主權，並沒規定主權轉給誰，照國際法是殖民地的主權給當地人民決定，所以國共都不能替咱決定，最後他用棄馬保台，確認國家主權，台灣主權是家己的作結束。
(完)