報告下近況先

前排去馬會簽完合約之後
已經正式番左四日工勒
但係因為有部份工作知識未曉
所以四日黎講都係聽人地講學野
自己冇得講
雖然都有錢收不過幾悶
今日一點至十點已經補番堂
所以黎緊應該會講勒
不過暫時都會有人傍住
好好笑架有D電話
不過我唔可以透露太多
或者等第時搞得清邊D講得邊D唔講得
先至講多D
順便講埋
我做既叫做顧客服務，係唔駛落注既
時間係1800-0300 (but 呢個月就係1915-0100)
有時會變不過都唔會差太遠
一個禮拜大約番三至四日
想約我玩呢就問下我更表啦 (朝早多數就冇問題既)
如果肯定左某一日就可以事前同我講
越早越好
咁我就可以申請左先或者同人調更
又講下我番工D流程先
暫時都係會搭車出沙田火車站再係小巴站轉接駁巴士(要錢架!盛惠兩個半)
將來可能會搭巴士出大學再轉火車去火炭再行番馬會
平D快D健康D
不過由於唔識行同埋幾廿度高溫既關係
暫時唔會揀呢個方法
咁我番到去呢
就會唔定時有半個鐘既時間吃飯(個日番得耐又會放多D)
由於番到去飯堂已經收爐
所以要自己帶野食(有熱水沖碗麵有零食機)
咁呢有時會好多人一齊食飯架喎
仲會一齊睇劇集或者百萬褲窿
然之後一齊狂笑
by the way, 個度都有不少既靚仔靚女架喎
不過我個部門就少D
投注部就好啦~~~~~~~~~~~~~可以見到肥姐咁靚女
咁放工點算呢咁夜
基本上係冇車番既
因為我放工既時間同馬會車時間唔夾(今個月)
於是我第一日就搭左三十幾蚊的士勒
跟住呢幾日呢就好彩有人住馬鞍山免費車埋我
第時放三點呢都有幾條馬鞍山友夾的士既
不過唔駛驚洩水喎
因為夜更有津貼，正！
仲有，肥姐，我已經幫你問過勒
Ｄ車位除賽馬日外係唔駛錢任泊既
唔該你拿拿臨考車牌車埋我
番左幾日都feel到第二朝起身會支力
開始有Ｄ擔心第時如果有得番學可唔可以兼顧到
尤其是如果九點有堂
不過keep 住做又真係可以幫手搵番Ｄ學費番黎
唔知luu, 到時先算luu.......
丫呢排我又諗過會唔會冇書讀跟住我要做死一世馬會呢？

講下Ｄ大學野先
上月polyU Design 個apptitude test已經有結果勒
我係過左關既（唔過就冇架啦，拜拜！）
黎緊放榜之後會有interview
睇下點~~~~~
21號呢就要去BU 既 Digital Graphic Communication Interview
要睇片啦測驗啦同傾計
咁好搞笑既
佢話明interview 入面會問你關於佢個Graduatoin Show既野
咁我當然有去睇啦
不過感覺就.....麻麻
雷腦繪圖動畫拍片技巧就有勒
雖然都唔係好高超
不過好似內容意義更加唔夠深層
23號呢就會去cityU 既 Creative Media interview
歷時兩個鐘(BU 咁多野反而半個鐘)
唔知佢/佢地想點
22或者23 July 就應該會去polyU 既 Multimedia Design and Technology (HD)
Interview 形式係 Group
未試過所以幾期待

講埋D垃雜野啦
打機啦勁想
好想狂打《狐忍》啦
好想狂用替身術啦
唔知點解打極都唔厭(仲要用同一個人)
網球王子都ok架
玩慣左都冇咩問題
不過真係好似冇睇過漫畫既人會冇咩意欲玩咁
咁你知你地又唔會睇架啦
咁咪咩囉
照上次既打機聚會黎睇
最有機會繼承《Power Stone 2》(夕陽之game)
成為熱鬧game首選既反而係《無賴傳》喎
事關大家都嗌得幾大聲
如果有四打分插能否創出奇跡呢?(請大家每次見到肥姐都問一問!)
漫畫呢呢期就好鍾意睇《飛輪少年》(Air Gear)
講加強版既Roller運動
好多Graffitti風格既野睇
例如擬聲詞啦暴風族族章啦衫啦場景啦等等
人設都幾大眾化
仲有好多笑料
經常會有D大角度視點鏡頭出現
睇完人都豁達D開心D
有興趣既可以係我聲俾你地個D網搵下

《你好嗎》
曲：Michael George Jackson-Clark/ Clemens Winterhalter
詞：潘源良
編：蔡德才@人山人海
唱：at 17

微風中歸家
人疲倦得可怕誰願意再增加心裡的牽掛
為求一壺濃茶
來平靜內心的風沙
沉默地躺下
誰料電話響起
他方的你的話
這一剎那
人完全像不懂說話
惟講一聲你好嗎......