你看見圖中，那個好似一隻白鞋的，
一個叫中國袋包的包。

星期一，因為攞維修好的PPC，
去了太古，之後去了銅鑼灣，
去了UA看<美麗緣未了>。

在買了飛後，
去了city super諗住買電話繩，
不過好貴。

之後去了麵包店，
我好喜歡吃麵包，
不是樓下的麵包店，
是唔同地方的麵包店。

我去過油麻地，有間菠蘿包十分好，
我仲要吃剛剛出爐的，
原來個皮脆，包軟又熱，
好好吃的。

去過尖沙咀唔知叫咩bread的，
又是好好吃。

去過樂富吉之島，
朱古力麻糬波波，趁熱，好味。

仲有唔知去過邊度吃…

吃麵包，
好處在我可以吃好多款，可以試好多唔同味。
好處在麵包小，可選幾個，唔洗一碗飯就填飽肚。
好處在麵包有1/3都是脆的，我好愛吃脆野。
好處在麵包也有1/3是甜的，我也愛吃甜野。
好處在唔洗我自己一個人坐著吃，
眼光光一個人坐著吃好唔自在。

有些包可以稱得上怪，
好似今次影到的中國袋包，
都唔知有咩人會吃，
也唔知有咩人會有衝動想吃，
我想吃的人都是貪佢搞笑。

我在戲院吃，
我估那袋包是無味的，所以先吃，
費事最尾吃鞋個口。

味道淡淡，好似返了鄉下，
如果叫我估那袋包是中國那一個地方，
我會估蒙古。

我用脷去頂開包內的空間，
果真是個袋來的，
我心諗，做咩，
咩人會整個袋俾自己食??
會唔會有人整個 LV 俾自己食
咁 LV 袋包又會唔會有水貸或翻版貸??
我又係唔係應該袋d野入去先食，
唔係咪嘥咗個袋??
我想過可唔可以裝水入去，
一個大大的水袋包，
當你吃時會好似吃一粒大的瀨尿牛丸，
射到周圍都係。

總之一個好搞笑的經驗。
哈哈,,,,袋包。