話說尋日中午約左屋企人去小肥羊飲茶
放工後便渣車往高地烏街出發
到一條小巷裡面打算搵車位泊
渣渣下望望下
就見到有一架電單車準備出車
咁我就停低等佢出車然後就泊佢個位啦
因為見佢仲未出車
我咪熄匙等下佢
點知當架車出黎之後
另外一架電單車飛快咁攝左入去
咁我當然同佢理論啦
同個阿叔講：『呢個車位係我見到先，
而且我仲企係到等左好耐啦喎！』
諗住客氣d同佢講
正常既人都會話唔好意思我比番個車位你丫咁麻
點知個大叔話：『我都唔知你企係到想泊車！』
嘩～火都黎！
我即刻回應：
『我企係到唔係等架車出泊車我企係到做咩呀？』
但佢完全無想出車比番個車位我既意思！
我跟住話：『我從來都未見過咁無禮貌咁無品既人！
先生，渣車唔可以咁無禮貌架！』
佢然後熄匙走人
既然佢都唔比番個位我
我就走左去隔隔離既車位泊
不過因位置太少我要搬隔離部車先泊到
係我搬緊既時候
佢話：『我比番個車位你咯！』
我回應：『我而家搬緊架車啦！唔駛啦！』
佢一路行
我不斷咁咒罵佢
仲記住左佢既車牌號碼ME-29-96
以後見到呢架車都會再咒罵佢
一個無理取鬧和無禮貌既大叔！