呢次培靈會真係攪笑
應該話唔知好嬲定好笑
好多烏龍野
又好多唔協調的地方
如果我地少D彈性都唔得
因為好多野都係尋晚先知道

第一樣烏龍野
就係原先聯絡的姊妹話比我地知二浸唔可以借出電子琴
叫我地只可以用鋼琴
但之前我已經約好左Helen同Basilla
我本身諗住Helen彈電子琴
而Basilla就彈鋼琴既
但既然大會唔准用都無辦法
惟有對唔住Helen啦
點知後來才知道原來我地自己帶部電子琴去都得
但已經太遲了>_<

第二樣烏野
就係聯絡的姊妹話比我知二浸唔可以借出部projector
甚至連膠片都唔需要
因為佢話會將歌詞打落程序表到
既然大會又話唔比用
咁惟有照佢意思做啦
點知尋晚去到二浸見到有個projector係到
好彩阿運係到
咁咪即場打個三首歌落powerpoint到咯
真係攪笑
我已經醒目咁帶埋膠片架啦
點知會發生咁既事
我地猜測可能係因為個講員需要用projector
所以大會才安排會有
如果唔係唔通因為我地咩？
唉．．．

第三樣烏龍野
早幾日前聯絡的姊妹叫我地尋晚七點鐘才可以去二浸彩排
所以我已經約好哂人七點鐘係二浸等
點知佢尋日下午四點鐘打電話比我
話我地可以提早六點半就可以彩排
唉．．．都約整哂人啦
你唔好出年先打黎
真抵死＞＿＜

第四樣烏龍野
其實我地一早就知道尋晚Basilla需要彈埋首奉獻歌
但一直都無人話比我地知彈邊首
Basilla問我
我都答唔到佢
直到尋晚見到個主席先知原來佢都無預備
好彩Basilla琴技高超
即場搵首奉獻歌黎彈
而且仲彈得好好添
哈哈哈．．．

第五樣烏龍野
個聯絡姊妹前幾日話比我知有一封信交比我
封信係講事奉人員要注意的地方
我當然沒有收過
佢話比左Tina
咁我尋日咪問Tina啦
Tina話無喎．．．我話唔係喎．．．
個姊妹話比左你架喎
咁Tina就落樓下睇下個信箱
原來真係係信箱到
但係係無人通知Tina要去信箱到取信咯
真係攪笑
原來要注意的地方就係叫我地衣著要整齊
唔可以著牛仔褲背心短裙波鞋露趾鞋
但我尋日係著左牛仔褲的
所以放工後便要衝番屋企換衫啦
好彩時間岩岩好
但我心諗點解一定要寄信呢？
Send sms或e-mail都可以
這個方法會唔會太落後呀？
費解＞＿＜

第六樣烏龍野
因為我係主領
所以我問Tina係我敬拜前需唔需要同弟兄姊妹互動一下
例如打招呼或問安等等
然後Tina問完大會負責人後
話比我知原來我唔需要做任何互動
因為係我帶敬拜之前會有一個主席出黎做呢樣野
咁當然佢做就最好啦
但到尋晚臨開始前十分鐘
黃乃倫牧師行過黎同我講話程序上有d調動
叫我出去帶敬拜先然後主席才出來
所以突然間變左要我做一些互動了
好彩平時帶敬拜前都常常做這些事情
實在係難唔到我丫
哈哈哈．．．
不過少d彈性都好難配合到呢？

呼～
一個培靈會就發生咁多烏龍野
不過透過呢件事情
我先發覺各人真的要互相配搭
才可以順利完成
也感謝神
因為祂真的在我們當中
補我地唔足夠的地方
外人看來
都唔知道原來之前發生左咁多烏龍野
一切總算順利完成

哈哈．．我地幾個都好緊張丫
Basilla都緊張到彈錯幾個音
而我亦都出哂汗
不過我真的好興奮
可以係咁大型的聚會裡面代表頌愛堂出來帶敬拜
雖然只係十五分鐘的時間
但真的滿心感謝神
因為這幾天我都沒有太多時間去預備
自從出院後工作一直都很忙碌
而剛剛週一又才帶完敬拜
隔天又要再帶
身心靈都很疲倦
但尋晚我完全體會到神真的加力量給我

要感謝Basilla百忙中抽時間幫我司琴
要感謝心心同阿昌幫我伴唱
更感謝Tina全力的支持和為我們爭取更多練習的時間
非常感謝阿運即場幫我地打歌詞和你sms鼓勵的說話
最後當然要感謝父神啦！