在醫院不見天日嘅藥房做咗都差唔多九個月
一直都冇一啲得意啲嘅故事講吓添
等我分享吓今日嘅經歷!
故事要由我初初番工開始講起

剛開始番醫院,同好多護士仔一樣
主要職責當然係绩靚仔醫生架啦!!
我仲記得好多時都會遇到呢位OK靚仔嘅醫生(暫叫X君)
我每次見到佢都一定會諗:
「我好肯定he plays Rugby!! If not, Gym fanatic!!」
(好可能係因為佢好大隻,絕對係「粗豪型斯文男子」)
之後仲成日諗唔知佢係under邊個Consultant嘅Team架呢?
(結果仲俾人話我成日绩仔添!!)
其實偷望佢都好容易,(加上我嘅演技,明明望都可以扮到唔係咁)
因為我每次碰到佢佢都係同人discuss緊一啲醫學上嘅問題(好偉大架!)
但後來我又忙咗,又少碰到佢,加上又唔知佢個大名
所以慢慢就忘記咗佢喇

今日我上到病房(終於有屬於自己嘅病房喇!)
離遠見到X君無端在我病房出現,都嚇咗一吓
有少少唔自然嘅係,我見到佢離遠已經由頭到腳再上番頭咁審視我
行過佢時又笑笑口say hi叫早晨
(好彩今日行裝都見得吓街坊,鄉親父老,叔伯兄弟...)
後尾我問佢嘢(認真問題唻架!)又唔太答
同佢同事討論時又企近來聽
先發覺佢其實只係HO,同我係同級嘅(雖然人工就佢高啲...)

我咁講並唔係想話我同佢點點點(因為都仲係未知X君嘅大名)
我只係覺得幾搞笑
搞笑在我覺得佢都係認得我嘅,雖然次次佢都討論緊啲認真話題
其實呢班Junior Doctor同我哋都一樣四圍昅女仔嘅
大家其實都冇乜分別丫~~