上個星期六,我去咗一個小男孩嘅運動會
好耐冇去過運動會喇,感覺好似返咗以前咁
我不斷在旁邊幫佢影相,收拾,管呢樣呀,看嗰樣呀咁
不禁就想起以前小學扭計要阿娘特登請一日假出席
佢冇好似其他阿娘咁又整嘢食,又幫我影相,
不過佢嘅在場已經令我覺得自己好重要
我記得嗰日我淨係同同學仔傾偈,冇乜點理佢
但我其實好想話比佢知我真係好開心佢肯嚟...
我知道呢個男仔都好開心我嘅出席
佢練習咗16個禮拜都係等今日
我知道呢日對佢好重要,所以無論我有幾忙我都特登去
試問我又點可以miss咗佢嘅大日子呢?
替佢打氣加油,替佢打點收拾,陪住佢跑來跑去
見到佢咁開心,我覺得好值得!!

畢竟每一個人都好希望自己可以得到別人嘅注視,讚賞
希望自己可以企在台上,在射燈之中,受身邊人拍掌
亦正因為咁,先會有人夢想有日成為小王子,小公主
我好幸運,在提反我有好多機會去表現自己
現在我閃耀嘅日子已經過去喇(好似好老咁添!!)
但我仍然好開心可以在佢嘅背後默默支持佢繼續閃耀
又或者,佢根本就係我心目中嘅小星星...

(Photo taken in Summer 2005, Oxford, showing the Boat house)