最近呢兩日,我出入咗機場都好幾次
走哂喇,全部都走哂喇
我在英國嘅朋友差唔多都走哂喇,剩低我一個...
我突然間覺得嘅,唔係”無盡空虛”
而係非常嘅寧靜,好靜好靜...係心靈嘅靜...
突然想起”天地初開,混沌重生”八個大字
(可能係睇得”我和彊屍有個約會”太多嘅原故)
感覺就好似...我第一次一個人來到倫敦一樣...
冇朋友,冇親人,得我一個人...
唔同嘅係,而家我已經做緊嘢,同埋我對倫敦有咗一定嘅理解

大師姐已經揾到佢嘅歸宿,
我除咗好替佢開心之外,的確係有D失落感
想起我地一大班人一齊玩,一齊her,佢照顧咗我幾多
又想起今年有個好有趣嘅朋友時不時會上來我間房度her
呢種日子以後唔會再有...
畢竟我地都move forward咗...
呢D亦係成長嘅代價,亦係成長要學嘅嘢...
學會面對別離...同埋昂首向前走落去...

總結今年,我對成長嘅代價嘅註譯多咗好多
而家,我腦海浮現一句,竟然係”聽陳蕾士的琴箏”中嘅一句:
”一陣盪漾過後,湖面又恢復了平靜”
(written back in June, but cannot upload due to technical problem)