尋晚成晚都好精神，
o係度睇無線o既<<開朗少女>>，
不知不覺就六點啦...
但係仲未有睡意，
所以就決定唔訓去陪媽咪游早水啦。

嘩，超快的車程，
由宿舍到深水灣，
轉左兩程車，只需三十分鐘!

媽咪黎到啦，
我地求其熱身就落水啦，
.............
咩事...
d水...
凍到我個人麻痺左...無知覺..
係咁衝，係咁衝...
衝到拉晒車...個人都係麻痺
真係無得頂~~~~
夾埋應該無游左半個鐘，
媽咪就話上水走人lu~

之後快快手沖完涼換衫走人，
我地出左去香港仔食大家樂，
飲緊熱華田o個時仲覺得好凍...
痴線架咩...好彩無病jei~~
我諗今次都係2005年最後一次游海架啦~~~~~~

之後八點半左右，
去左探爺爺麻麻，
麻麻見倒我就喊，
我諗我真係要多d去探佢地啦，
佢地咁掛住我...
原來o係佢地心目中，
唯一o既男孫係咁重要...
我會多d黎探你地架啦~~~~~~~~~~~~~~~~~~

九點九左右，
我開始頂唔順啦..
通左頂，游完水...
要訓覺啦，去左老婆屋企訓覺...
長眠到六點~~~~~~~
好正~~~~~~無醒過咁滯~~

<<聖誕禮物--1>>
老婆靜靜雞織左頸巾比我，
係一條黑黃間長頸巾，
每行有53針，
每織一行需時大約5分鐘~~
多謝你呀!!!!!
對我黎講，每一針o既心意我係感覺倒架!

<<聖誕禮物--2>>
一件好靚o既怪誕城T-shirt!
好多阿Jack o係上面，
真係surprise~~~~~~~~~~
真係多謝晒妳呀!!!!

因為用晒d錢o係老婆o既生日上面...
所以無買聖誕禮物..
見諒見諒~~


夜晚出左去睇<<哈利波特--火盃的考驗>>
一個字，正~~
2005年最好睇，最無悶場o既戲，
叫我去戲院睇多次我都肯!
一百個推薦!!!!!!!!!!!!!!!!!!!!

今個聖誕節，
雖然無聖誕大餐，
無睇聖誕燈飾，
但係有老婆o既聖誕禮物，
有睇超好睇o既哈利波特，
已經夠晒開心啦~~~~~~~~~~~~~~~~~~~~~~~~~~~~~~~~~~~~~~~~~~~~

祝大家聖誕快樂~~~~
boxing day 快樂~~~~~~~~

p.s.HUGO生日快樂!!!