竟然還有心情黎寫日記。今日我唔係唔開心，而家牙痛。尋晚成五點幾先正式開始訓得著，今晚希望唔洗啦。

好啦，正式交代下今日做過d咩啦，本來今日會同成班同學仔踏單車去大尾督燒野食，但係因為牙痛同女朋友仔要做功課o既關係，我地無去踏單車，只係參與燒野食。

其實今次燒野食都不值一提o既，因為我都無參與過團體活動，今次好似同老婆去大尾督一日遊咁，都好開心呀，起碼我地兩個一齊燒野食，食咩都無人理，因為佢地成班人去左划艇。仲有大收鑊係我同老婆拎左好多豬排同雞翼番屋企，起碼要賺番o個五十蚊啦!(有呢個諗法有d衰，但係真係咁樣諗。)

今日真係好鍾意老婆，真係唔知點解，覺得老婆好靚，好值得我去鍾意，好值得我放晒所有心機落佢度，好值得我下半生同佢一齊過~~老婆呀，如果你睇緊我個日記，我可以話比你聽我唔係tum你開心架，我個心真係咁諗架，冇人比你更好架啦，就算有，我都冇必要再去搵啦，有你已經足夠啦~