今晚決定早d訓，因為我想多d精神準備聽日下午o既訓練....我仍然係向住我o既目標進發------唔好被趕出泳隊。咁o既諗法好似好消極咁，但係對於我黎講，呢個目標都係好難架~~~~因為聽講下年好多勁人會入POLY，如果我仲係零分部隊o既成員，一定無得留底。目標時間--30s蝶，32s背。希望可以達到啦。所以今晚要早d訓，向我o既目標進發。

講真係，有目標o既人生真係上進呀!!!!!

因為就黎訓，所以都唔寫咁多啦，就記今日發生o既一件事啦。頭先同老婆去百佳去買牙刷，我拎左一支20蚊o既"多方向"牙刷，老婆睇唔倒我拎左，之後無意講左句﹕"咁鬼貴，刷左識飛架咩".....我都唔知比咩反應佢好啦，之後佢見倒我拎住支刷左識飛牙刷，淨係識o係度笑，最後我都買左.....希望真係識發啦!!!

今晚係咁多~~~~~~