(寫於11/8)
我自己好好彩，入到大學，仲係自己都有d興趣既科目
但我冇開心過.....
當我知道有好多人no offer既時候
我自己心入面真係好up
曾經有人話過我，"佢得1個C，佢想入U??"
係，0個一下，真係挫左一挫
6/8 0個一日曾經好傻咁諗
覺得好對no offer既佢地唔住
我自己根本咩成績都冇
根本談唔上讀大學
自己根本就係撞彩
好多人同我講，"如果HD唔收你，之後既都唔收.....'"
真係，我自己都咁諗
根本係冇可能，係完全冇諗過
HD之後既排位，我係放左我自己想讀既科而已
可以等自己個心好過d...
不過而家得左，真係覺得好好彩
不過其實我而家呢一刻冇再亂諗野
因為我知道個天係俾緊機會我
我而家只係知道我要好好珍惜呢個機會
我唔可以再令我老豆媽咪同朋友擔心我
我同自己講過架
讀ACCT係一個俾我翻身既機會
呢一次又再係一個奇蹟
雖然自己一d ACCT底都冇
但係我信自己唔會比任何一個人差
我為左自己、為左屋企人，我都會好俾心機讀書
我一定會做得比人好
應承左老豆、媽咪同自己，我會好好捉住呢個機會

好彩我之前已經買左本acct書諗住自修
而家仲好
可以真係一心一意讀我既acct ~ ~


(寫於13/8)
尋日我聽到一d令我好傷心既野
本身我已經唔再諗咁多
但係......
我既新同學sharon同我講佢個frd入左CTV
CTV呀!!! 一科我一直好想好想入既科...
0個個人成績同我一樣咁劑，又係放0係第9個choice
我CE成績好佢少少，點解收佢唔收我??
我聽到之後，真係好想喊出黎，點解喎???
0個一刻，真係好唔開心好唔開心.....
心裡面問左好多"點解???"
我同..... CTV..... 始終都係無緣.....><
好唔甘心.....


(寫於21/8)
前兩晚，去左O camp...
夜晚同d新同學同組爸傾計
了解番多少少關於ACCT既野
聽完之後，覺得好無奈
要考試... 考試.... 再考試....
3年考唔夠7份paper 要從頭再黎過
........
唉~~
而家因為好多野，我暫時冇其他路
3年之後先再睇下點
Yr 1... 而家就要開始搞好關係，
為將來成為會計師而鋪路??
好似好快.....
決定要俾d數字困住自己??
我要到電視台做打雜既夢想就此幻滅??
點都好，3年後先算.....
十幾年身處0係溫室既我要開始.....
要開始自己面對好多好多既野
接受新既挑戰.....
呢3年我點都要努力讀書
AL呢一役我衰左一次
我唔可以亦唔會再俾自己衰多一次
3年之後，我一定會 "長大成人" 架!!