由考完試0個一晚開始
維持左3個幾星期
每一晚發既夢
應該話係一個星期發足六晚既夢
我到第二朝一醒我都記得好清楚
每個夢都好長
有好夢又有惡夢
搞到成個人都好支力
平時我唔會發好多夢
間唔中一兩個咁
但係0個幾星期真係好難頂
終於感受到阿Da夜晚成日發夢個種感覺
好辛苦~~
以前發既夢多數係
0個日見過d咩特別既人或者特別既事
0個晚就會發夢夢見番
但係近排好唔同
有次見到自己同個friend追住一個人
向上不停轉搭lift又跑樓梯又過山車都追唔到
( R.P.呀 讀解夢既好友呀
快d幫我解左個夢佢呀~ )
唉~ 好慘

諗住0個幾個星期之後
情況會好d
但係呢個星期又復發啦~
又頻頻發d鬼死咁長既夢
仲夢見唔記得係自己死左變左骷髏骨頭
定係自己殺左人
0個個人變左骷髏骨頭
好恐怖喎~
仲要夢見香港俾水浸
就黎世界末日
個夢有d Titanic feel
又夢見自己响學校裡面搵人
搵搵下竟然迷路
好似好有寓意咁樣
不過唔知點解

其實有時自己都好鍾意發夢呢樣野
因為發著一d好夢
成日人都會好開心
第二朝都有時仲會陶醉响夢境入面
哈~ 會變態左~
而且夢通常會帶人做一d响現實生活遇唔到既事
現實生活中唔識既人
响夢入面竟然同你係好朋友
曾經聽過有人講過一個人發夢
其實你夢到既事係你靈魂出竅去做既事
如果係咁
我所夢見既人係咪佢靈魂出竅時同我相遇??
咁佢發既夢咪會同我一樣??
哈~
如果响好夢時係咁就好啦!!!
不過我有時都會諗
會唔會真係會有兩個人同一晚會發同一樣既夢呢??

有時諗下個夢境可能會好開心
但係千其唔好留戀個種感覺
感覺係開心
但係醒覺之後番去現實就會傷心
因為夢始終係夢
唔係現實黎0既~
發完就算架啦~
殘忍d講句
現實永遠都係殘酷架!!!
夢始終要醒
醒來就要面對殘酷既現實
一定要識得抽身~~

有時真係想就咁訓
唔好咁快醒
沉醉响夢入面
一直發住個好夢
咁樣自己永遠都會好開心~

不過咁樣…………
好傻架!!