SUN
5/ 12 / 2004
今日係家庭樂既一日. 因為一早約左同屋企人夜晚會出尖沙咀睇燈飾, 成家人去迫下. 雖然早左d. 不過到大日子, 我同家姐都唔得閒陪佢地啦. 媽媽想去睇插花既展覽. 佢睇黎對呢樣興趣好認真.咁wor. 既然我又成日都冇咩做. 朝早同佢一齊染完髮就出左街啦. 好耐冇識過個頭咁黑. 1點拎就同dad mum出佐敦啦. 係公和食個lunch. 其實都係豆腐花加小食. 之後搭地鐵去中環, 因為目的地係大會堂 , 一出到地面就見到好熱鬧, 而且充滿聖誕節氣氛啦. 因為係皇后像廣場有好似好大既聖誕樹, 同埋d無聊既木屋. 我估如果20號夜晚再去時候會靚d卦. 之後去左大會堂. 入面d花好靚, 唔係普通放盆花個d. 係插得好有心機, 好藝術. 好睇過咩花卉展好多. 睇下佢地改既名. 配既色 .表達既感覺已經好唔錯啦. 不過個度唔係好大, 睇左半個鐘就走啦. 係個頭周圍行下. 完全感覺到中環已經被唔知咩傭攻陷左. 好恐怖. 會唔知自己係唔係係香港, 行到邊都係一堆堆,唔知佢地講咩既人. 留左一陣就走啦, 約左家姐係poly同我映相．　佢地成日都埋怨我唔同佢地映畢業相．　今日可以映飽佢啦．　不過我又係度扮ｐｏｌｙ　學生．　我唔太有興趣去映既原因，　可能我真係唔會為ｉｖｅ　既ｈｄ而覺得自豪卦．　不過唔知點解，ｐｏｌｙ　比我一種好熟悉好親切既感覺．　真係好想係度讀番個ｄｅｇｒｅｅ．　可惜兩年之後又四年．　我真係會有咁既恆心ｍａ．
映左一陣之後時間仲早ｗｏｒ．去左加連威老道行．我地好耐冇試過一家人咁周圍行，　仲係鬧市ｔｉｍ．　我ｄａｄｄｙ永遠都係最悶既一個．　佢都算唔錯啦．同３個女人行街睇衫．　佢就成日都係鋪頭出面等我地．行到６點幾，　去左尖東元氣食野，我對呢個地方已經有ｄ悶啦，　不過一家人出黎又未試過ｗｏｒ．　食左好多未試過既壽司同魚生，　始終都係最鍾意三文魚ｊｅｒ．　食左好多野ｏ，不過原來入面冇拉麵個ｄ．　我ｄａｄｄｙ憑該唔太敢食得多．　

食飽就去行星光大道啦．　佢地都係第一次黎ｊａ．　陪佢地好似遊客咁，　我就好似好熟路咁．成個尖沙咀都好有聖誕感覺，　周圍賣既野都好閃．　行左去文化中心對開既樓上，　平時好難會有位坐．　咁就好舒服咁坐低等８點既激光匯演．　原來冇音樂咁樣睇係真係幾悶ｗｏｒ．．．　上次睇有音樂好欣賞佢地既配合．　今次冇聲，　我地聽左一陣，連媽媽都話要走啦．　睇雜誌話海港城有最大型既３ｄ聖誕佈置同燈光，一場去到又等睇埋啦．　點知．都真係幾失望ｗｏｒ　．　希望到真係聖誕節會有ｄ特別野啦．　如果唔係，寧願上年個個仲靚ｏ．　

睇完又去食野啦．　想食糖水．　我同家姐都想試下糖朝，　仲以為係一個專食甜品既地方，　原來好似茶樓咩都有．　不過我地都係食４個甜品．　野食都唔錯ａｒ．不過環境一般ｊａ．全日都好似狂食咁．　仲要全部都係生冷野ｔｉｍ．呢排成日都係食呢d野. 之後就行番去尖東站搭車啦. 今日好特別. 因為好耐好耐冇一家人出街無聊. 希望我會識得珍惜啦 *_*