2006年7月2號
天氣 落完雨 晏就曬到死
心情 踏入第二日 仲差5/7

Vivian生日快樂”

朝早起身睇世界盃精華!

巴西輸0:1比法國

o晒咀

賽和0:0

加時都係分唔到高下

最後射十二碼...葡萄牙贏英格蘭3:1

雖然都想葡萄牙贏...但係唔知點解睇完都想喊呀

睇新聞個陣又係啦...可能睇勝方同負方ge喜同悲

心情大起大落 有個強烈對比啦...

上次睇阿根廷對德國已經睇到想喊嫁啦

見到其他球迷喊 搞到我都唔hapi添*

[[睇波個陣見到葡萄牙有個好靚仔,,,原來係c朗拿度...=0=]]

今朝本來去跑步加焗桑拿 點知落雨 咁唔去跑步

諗住晏d去焗桑拿

點知個天又唔落雨 仲放晴

計劃再去跑步加焗桑拿 黠知又唔去焗桑拿

淨去跑步...我覺得自己好變態...

執野執左我成個鐘...算吧啦 一邊傾偈一邊執

跑步...今次聽完MP3 效果好左 得跑左10幾分鐘=五個圈

抖左一陣 跑多兩個圈就同陳琴坐響隔離傾偈啦

今日雖然跑得唔多 但比琴日進步

[[其實今日想跑10個圈嫁...不過之後傾偈.... =.=]]

沖完涼就走啦...我地經過海濱走啦...

行條樓梯上灝景灣 行左幾級樓梯

陳琴大叫 我都停左 原來係有隻黑色野

有觸鬚 之後仲飛起左...我地嚇到彈左去九千里外...

[[一邊大叫一邊走,,,都唔理儀態啦]]

搞左勁耐 諗緊衝唔衝上去

呢個好似意味住一個困難,,,睇下我地有冇勇氣去面對

不過我係揀退避嫁]]*

因為真係好樣衰呀隻野!d觸鬚都撩下撩下

因為陳琴呢兩日成日食蟶子 所以我不斷稱o個隻野為蟶子

蟶子響我心中 唔似海鮮 好似係蝎子...

哈哈...個隻野叫蟶子真係改得唔錯**

我地揀第二條路走啦 但係遠得滯 我地懶得滯

迫住面對蟶子路 不過我地見到好多人由上面行落黎都好似冇野

我地又見唔到隻蟶子啦..

咁我地就拖住手一味衝上去啦”

衝左幾層,,,到頂!我深深感受到體能好不濟...

諗住去自修室copy身份證...點知影印機壞左...

算啦...抖左一陣 一邊聽歌 一邊挨響sofa

好爽 我終於可以落去自修室 但係唔係溫書嫁啦

感觸真大

返屋企...開住冷氣!爽呀

-- -- --

唔同我個fd同陳琴個fd係同一個人

點解佢地d性格會似成咁 o晒咀...