今日早午都幾無聊呀！飲飲食食．．．溫下書～睇ＴＶ。晏就我好勤力咁溫緊書～我大家姐又話要用電腦ｃｈｅｃｋ野～開電腦．．．佢ｃｈｅｃｋ完～我又唔捨得熄機～咁又用左幾個鐘啦～叫左ｃｅｌｉａ　ｓｅｎｄ左Ｄ　相俾我～我睇左個網～睇完之後好唔ｈａｐｉ呀！唉．．．算啦～事情過去左～今日Ａｎｇｅｌ搵我地去佢屋企～我都好想去呀～可惜．．．上次２月１４號去完／／俾人鬧左我好耐呀！遲返屋企呀！

夜晚六點幾七點ｏ個陣～諗住開電視睇體育新聞～呀！！！又睇唔到電視啦～琴晚，今朝都斷斷續續係咁．．．有時睇唔到電視～好多雪花／／／／冇聲．．唉．．部電視機壽終正寢啦～好多謝佢為我屋企服務左咁耐～我都唔知幾耐～又好似買左唔係好耐咋．．．爸爸媽媽又傾緊買新電視ｄ野～好煩呀！嘈喧巴閉！死啦～今晚咪睇唔到"殘酷一叮"？！真係好殘酷呀！唔唔．．．爸爸就試下整下部電視．．．佢用左ｄ膠紙"癡"返好條線～佢話係條線鬆左～哦．．．整返好啦～有畫面，有聲。但係整返好部電視，佢地兩個仲煩！唉．．．睇睇下，又再一次睇唔到電視～唉．．．爸爸又再一次整電視～今次整完再冇事啦～直至依家呢一刻都睇到。呀！始終都係爸爸好～部電視機響一日裏面經歷左兩次生生死死～我亦響一日裏體會到兩次生離死別～從此，我會更珍惜生命啦～唔知係唔係咁，今晚ｏ既"殘酷一叮"特別好睇～