今日朝早８：００－９：００去左青衣體育館同亨澤男排打波～佢地響青衣區比賽好似贏梗咁．．．坐亞望冠～應該係決賽對主恩，佢地一定要贏呀！因為前兩年籃球輸過俾主恩～依家亨澤要幫我地報仇！佢地唔贏，會枉費我地幫佢地練左咁耐！！！

今日我，Ｅｖａ，Ｉｒｅｎｅ，Ｗｅｎｄｙ，Ａｔｔｉｅ，ｓｔｅｐｈａｎｉｅ　６個人去打波～我地實力都唔弱嫁！不過今日亨澤好似心散左咁！唔係太認真～雖然冇計分，但係我地覺得係我地贏嫁～

今日ｄ開波全部ｐａｓｓ晒～有次我仲連續開到８球咁上下～開到手軟呀！我有一球"賴"網過，我本來睇住個波落網嫁啦～跟住彈左一下網頂，過左去～超驚險～不過ｏ個球真係幾靚呀！而且對面又接唔到呢～

我地打波之前有做熱身＆跑圈～幾乖？？？打完波之後有跳高
４０下　＋　掌上壓。乖呀～今日打左１個鐘，我ｔｏｔａｌ失左５分～失第３分係殺波殺ｏｕｔ左～搞到之後殺波都有陰影～但係之後都係殺得唔錯～克服到心理關口，而且仲要讚下Ｉｒｅｎｅ同Ｅｖａ　ｓｅｔ波ｓｅｔ得好好呀！其他ｏ個４分係失響下手不穩～有一球已經飛撲去救嫁啦～但係都係打左出界外～算啦．．．

打完波，鄭ｓｉｒ請食野～傾下去飲茶定係食ＡＢＣ餐～最後都係決定去茶餐廳食ＡＢＣ餐。我叫左沙拉加多士，個多士真係唔係幾好食，ｄ牛油搽到一邊多，一邊少，不過都估到佢地唔會整得好有心機嫁啦～

晏就同功課有個約會，寫好篇中文作文同溫左ｍａｔｈｓ，不過我ｆｅｅｌ溫得好求其．．．

夜晚係同nｅｅｄｌｅｗｏｒｋ有個約會，上次個ｃｕｓｈｉｏｎ整得好細個要再整個，今次整得大個左同靚左～

今日亦都發生左一件不如意ｏ既事．．．搞到好唔開心～係
ｅｘｔｒｅｍｅｌｙ　　　ｕｎｈａｐｐｙ　　！！！
就係俾人屈！講真
我就係最憎俾人屈～唉．．．件事淨係同左ｐｉａｎｏ講咋～
唉．．．希望聽日一起身會冇野啦～