全日都響屋企，做功課，睇書。我大家姐琴日去左銅鑼灣中央圖書館個書展，五蚊一本書～佢買左１２本書～唉．．．但係我依家都冇時間睇．．．我上次買ｏ個３本書都未睇過～
Ｋｅｌｌｙ　　ｃｈｏｉ借俾我本"再見了，可魯"又係未睇．．．屋企又係有好多書都未睇～加埋一定多過二十本書未睇～唉．．．算啦　一定睇得晒．．．

呢個星期發生左好多野～有好多感覺～有Ｈａｐｐｙ，
有唔Ｈａｐｐｙ。聽完鍾太講，個心舒服好多，有時ｄ野放開ｄ，係好Ｄ ｏ既。開心又係咁過，唔開心又係咁過，不如開開心心咁過。

有時，自己努力左，又好似得唔到成果，定係我努力唔夠，一或係人地比我更努力？我唔鍾意同人地比成績，好驚輸，但係我覺得我已經輸左啦，睇返Ｄ舊同學，個個讀書都好好，好到我好驚呀，而且係驚到接受唔到。算啦，都係睇開Ｄ，唔好太過妄自菲薄，只會磨蝕自信！

好多野都係整定（講緊排球比賽），改變唔到，都係樂天接受啦！或者，塞翁失馬，焉知非福呢？！凡事向好ｏ個方面諗，我都係堅信我ｏ既信念，希望在明天！