今日家長日呀！同左阿爹返蕭明。早到左蕭明，但係跟ｂｏｏｋ左個時間黎見，搞到我地係第一個黎，都唔可以第一個見～今次ｄ成績好過上次好多～全班２７／４３，全級１２０幾／２１１～算啦，都係咁～俾上次測驗拉低左ｄ～但係有ｄ科考得好好，有ｄ考得麻麻地～好似中文ｌｉｓｔｅｎｉｎｇ，９３分，全級第７名呀，中國語文全級第２７名。ＰＥ同公民教育就係８０分同Ｂ　ｇｒａｄｅ，第２６名同第２４名。ｈａｈａ～都唔錯呀！但係數學同ｍｕｓｉｃ就差ｄ啦！要加油呀．．．

我趁未見得家長ｏ個陣問左ｍｒｓ　ｙｅｕｎｇ排球ｄ野，
佢話報左名啦～仲話如果係學界搞錯左，我地有得追返；但係如果係我地搞錯左，學界就唔會睬我地喎～希望我地係前者啦，大家一齊祈禱呀，希望我地打到比賽啦～主佑我們！
見完家長，同阿爹搭的士去青衣城，佢去馬會，我去青衣城轉車
２４９Ｍ去美景花園。約左Ｋａｔｒｉｎａ，施嘉怡～去佢屋企呀！佢聽日２１號去返福州讀書啦．．．好唔捨得佢～本來話去食壽司，但係Ｋａｔｒｉｎａ琴晚玩到好夜，今日唔俾出街喎～
好可惜！阿Ｍａｙ都話黎嫁，但係佢教會有野做，唔黎得，又係好可惜！

落左車，見到Ｋａｔｒｉｎａ落左樓黎接我，嘩．．．
佢剪左短頭髮呀！佢話佢學校男同女都唔俾留長頭髮喎，都好慘姐！緊住去左野食，買左兩碗碗仔翅，本來諗住ＡＡ，但係
Ｋａｔｒｉｎａ話佢請喎～唔係太好意思，但係佢話唔緊要喎～
又買左串咖哩魚蛋，嘩．．．好辣呀！又去７仔買左野飲～
買完野食，上左去佢屋企啦。食下野，傾下計，聽下歌，咁就過左一個晏就啦～佢地學ｄ野，程度都幾深嫁，我地ｏ個班
ｍａｔｈｓ學緊二元一次，佢地已經學完三元一次啦～同埋好多野都比我地深呀，所以大陸ｄ人質素係比香港人高嫁～五點幾我就走啦，佢送我去搭車，之前又買左ｄ野食，Ｋａｔｒｉｎａ又請我食野，我話唔使啦～佢話唔好咁生外喎～佢真係好人呀！
唉．．．要到暑假先見到Ｋａｔｒｉｎａ呀～最衰聽日唔可以送佢機啦～祝佢好運啦！
唉．．．