今日繼續勁凍,窗外有尋晚落雪既痕跡.呢幾日都有落雪,睇得多都開始麻木,可恨係仲未見過積雪.究竟踏雪係咩感覺既呢? 所以一直希望雪繼續落,越落越大就最好.

因為深怕穎姐既*免費火車飛快過期,就及早同娜姐去一次'郊遊',目的地係YORK.
YORK係英國第二古老的城市,比較令香港人熟悉係因為威廉皇子選左UNIVERSITY OF YORK 就讀. 當然,此行我地冇諗過要見到威廉,或者尋訪佢既踪影. 去YORK純粹因為穎姐話果度靚,同埋想去睇下古城.
坐左近三個鐘既火車,一出車最令我雀躍既係地上既積雪...我見到了!!! 雖然唔係好厚,兼且似乎幾DIRTY,我都好興奮,係咁叫娜姐幫我影相.可惜天氣唔係好好,相影左出黎都係灰灰咁.
本來黎到呢D地方係應該去下D名勝既,但基於好多觀光點都要比錢,而且看來唔係太吸引既情況底下,我地行行下就變左SHOPPING團,係YORK既市中心果幾條街到逛,間間SHOP都入去睇下.我地發現左間好多野買既一磅店,執左D平野. 之後又去到一間好抵既書店,買左本激抵既DA VINCI CODE (4磅咋,平過HK).呢個係我第一本真真正正想征服既英文書,我要堅定自己學好英文既決心!
我同娜姐就係咁,拋開旅遊書同地圖既枷鎖,自由行左五個鐘.到走果一刻,要不是D商店已經開始關門,我諗我地仲可以繼續逛. 呢種自由行既方式,都幾爽,唔駛趕住趕住,又唔駛成日睇地圖咁辛苦.
比較遺憾既係去唔到YORK既SHOPPING OUTLET.聞說D野好抵買.不過娜姐就買左佢張心頭好---毛毛被.張被激暖又激富貴.我笑話即使我有錢買,都冇咁貴氣既房去襯返.
今次去YORK似乎唔係好感受到古城氣氛,亦不覺有穎姐謂既咁靚.so,我諗我會去多次.

*所謂既免費火車飛,其實係穎姐黎倫敦時用既britrail火車pass.因為穎姐要返法國而張pass又未到期,就比左我用埋佢.雖然張飛有名,但火車人員check野勁隨便,而且英國係一個好尊重私隱既地方,去都邊都唔會要check證件,so我地都好放心盜用.

○Check Point: york (由london 搭火車約3hr )
●Remarks:
1/ 相簿update至2月5日.

Photo: YORK MINSTER