今日同媽咪講我返poly撞到岑兆明呀!佢做野好辛苦咁!又瘦又黑!

我完全見到佢將自己o既人生奉獻左俾份工同訓覺呀!

日日都要去沙頭角返工...人都癲!

不過佢就正啦..返三日就放一日...做入境署好似都幾好啦!

都好過姑娘啦!我地都冇咁多假!不過我地做野有冷氣!呵呵!!

同媽咪講左一陣拍拖野...媽咪就同我講....

原來佢o係我上次分手之後幫我求左支籤呀!

支籤話我今年年底會有一個好錫我o既男朋友架!係上籤呀!

我媽話怕佢唔靈唔敢講我知啦!

我唔理佢靈唔靈啦!(最好就緊係靈啦!)總之我覺得媽咪好掂啦!

成日都擔心我冇拖拍冇人錫會悶..會唔開心!

哈哈!佢有份咁o既心意我明白啦!

我會努力去搵架啦....最好唔使我自己搵咁辛苦啦!

有就有,冇都冇計啦!

不過咁都俾你求左支好籤返黎,你係好野啦!

抵錫!"3'