今日係1/9返學日…我都係早兩日先confirm到我今日要返學咋!

我好叻..我今日係全班第一個到lecture hall o既同學…

好快我就識左第二位到o既新同學..佢叫阿雯,黎自澳門,幾得意!

佢話澳門冇psy讀喎..搞到佢而家個個wk都要黎上o個一日堂…又遠又貴呀!

之後我見到我以前d同學啦..不過冇個熟..直到見到janis,denise同oliver先開心哂啦!

係啦…d同學一見我就話你d朋友冇人同你一齊讀喎!

我話係呀….我而家冇朋友架….

我記得我year 1都係係咁同人講我冇朋友架!

入hall時又係咁同人講…我冇朋友架….

哈哈!好似好慘咁..但講完我就有朋友架啦….

講完janis佢地就返黎啦…

講完佢地又唔會再問我啦…

講完我就唔慘啦….講完我就會好堅強啦!...我都認左落!

以前住hall我講完都識到人啦…講完janis就搬黎同我住啦!

上完堂我去左同我o既好朋友去canteen講事實..佢又講左好多事實俾我知….

原來事實係…佢地係一樣架…..好驚囉!有鬼呀!咩學校黎架!好癲..

我唔會俾自己個女入呢間學校囉!

太GC啦D人! 唔講啦..講多都冇謂..笑完算啦!不過今日又見証到囉!

係囉..仲有第一堂..真係好眼訓呀!

Peter French講左三個鐘英文….我覺得自己好似睇左一部冇字幕o既titanic咁!

仲要一路睇一路答問題同俾好o既表情反應佢..佢先開心!

真係”趙麵”呀!

我同我身邊o既janis都想死….唔想答問題..可以嗎?

同學..我想問..咩叫creative thinking 同 critical thinking呀?

答咩好喎!

唔好問我地啦!

仲有…佢又要人在坐頭三行,佢自己又行黎行去…

我望住佢我好頭暈囉!

佢問大家有冇問題時我有唸過叫佢唔好行左行右架!

不過,我怕佢企定我仲快訓著…..我都係算啦…唔好咁白痴做d咁o既野!

不過有排受啦…個個星期都要睇冇字幕titanic呀!唉!要好concentrate!