<題外話:剛剛寫日記噶時候 打佐個好大噶雷 嚇死我啦 電腦劈到自動重啟 啊>

今晚落班翻到屋企 妹妹話今晚要出去食飯
出廳飲水 爸爸又話今晚要出去食飯 我問點解
原來係四伯公過佐身
其實我對呢d輩分稱呼無乜印象 我靜係認人噶咋 原來係爺爺嘅哥哥...
前幾日已經聽嫲嫲話四伯公唔係好掂 要去睇距啦...
媽媽同我講 四伯公無病無痛 只不過係身體機能衰退 運作唔到 好正常噶生老病死...我都安慰d!
本來我唔係好想去 好攰 爸爸就話唔去都得 不過無乜事就去啦...

其實我唔想去 係因為怕比爺爺嫲嫲話我 因為佢哋知道我星期6晚飲醉佐...
而且係凌晨4點幾爺爺係2樓叫醒我噶
我竟然醉到訓佐係一樓地下
然後醒佐諗住上4樓
點知上到2樓 見到張沙發我有訓佐上去
爺爺叫醒我噶時候 我記得爺爺個樣好驚 以為我有事 猛問我有無事...

好彩今晚去到食飯嗰度爺爺同嫲嫲都無鬧我 爺爺仲笑得好燦爛咁指住我
但系個一刻 我先發覺 我心理面噶爺爺變佐
爺爺瘦佐好多 因為糖尿病 而且甩佐幾只牙...好似成個落曬型咁
我覺得爺爺一定係心裡不好受 上年 爺爺噶弟弟過身 今年就到爺爺噶哥哥 唉!
但係我見到距同朋友有講有笑 又飲白酒

爺爺今晚唔同我地一張臺 我定定咁忘住爺爺幾分鐘 個心好痛
因為我都知道自己呢排變佐好多
變得好爛玩 早出晚歸
有時候甚至係爺爺起身去晨運噶時候我先翻屋企...
好難撞見爺爺 有時上班噶時候先見到有一面...
爺爺笑住咁叫我”韻怡”...
呢幾個月我真係比好小時間係屋企 就連爸爸都發曬我脾氣...
唉 我真係好不孝 仲要飲到咁醉比爺爺發現 要佢擔心我!!!

都唔知係咪因為好唔開心 我地張臺本來得4個人 可能發生太突然來不切通知親友
我竟然自己一個食佐大半條多寶魚...係阿嬸叫我大食啲噶!
飯後爺爺同我同埋妹妹一齊行翻屋企...
爺爺每次都會問我地近況 好關心我地
問完妹妹讀書點 幾時升大學 之後 就問我工作點
同我講噶嘢係最多
問我做得開唔開心 我話我做得開心 唔想爺爺擔心
爺爺話 我依家已經唔喺學生啦 出來工作 大個啦 要比心機 唔好灰心 慢慢黎
然後我問 爺爺點解瘦佐咁多...
其實我知道 爺爺係因為我叔叔而瘦到咁 因為我叔叔好唔生性 令到爺爺嫲嫲
仲有我爸爸傷心 我好憎距!咁大個人要老人家擔心痛心...無用!

好想爺爺快d肥翻 變飯以前個個好肥好肥噶爺爺
行路好快噶爺爺 中意食嘢噶爺爺
又煙又酒噶爺爺...

記得以前細個成日笑爺爺有bb...距好開心咁話係!
記得以前星期6日爸爸媽媽唔得閒理我 車我去爺爺屋企 爺爺都會帶我去飲茶 買樂百氏比我...雖然好悶,但我會等豆沙包!
記得屋企聚會噶時候 爺爺成日講我細個 距湊我噶事比大家聽
其實我覺得我好幸福 我喺我屋企最大噶女 全部人放係我身上噶心機都多d
之後噶細佬妹 都已經唔使爺爺嫲嫲擔心噶啦
爺爺心目中最多回憶個個係我 係我啊 !哈哈..o(∩_∩)o...哈哈

但係我仲係會心痛!因為我乜都做唔到 都唔知道自己可以做乜!
只有每次見到爺爺 我都要笑到好開心咁叫”爺爺”!

555....