2004-05-01 18:21:00阿非
節錄【戲鳳】
李鳳姐:存我一人真無聊… (落串)
怪阿兄將公子趕走,呣知何時擱來阮兜?
想著伊、心頭甜甜又亂操操…伊呀~
【 調】
李鳳姐:風度翩翩又溫純,
對阮情意有幾分?
▲朱德正悄悄上門…
李鳳姐:呣知名姓合身分,
害阮歸日無神魂…
朱德正:寡人姓朱名德正,
家住京城管眾卿;
雙十年華未婚聘,
李鳳姐:(插白) 嘿,汝擱來做啥?
朱德正:來伴愛妃訴真情。
李鳳姐:戲文取消免排對,
不必寡人伴愛妃;
朱德正:免伴貴妃換買醉,
賣酒姑娘真古錐。
李鳳姐:今日休市酒無溫,
朱德正:姑娘比酒巧香醇;
李鳳姐:人阮袂曉說情份,
朱德正:卻會心悶無神魂… 《弄》
李鳳姐:哎呀,汝哪會當偷聽、阮講予家己聽兮話?
朱德正:我是好心來還汝手巾,哪知行到門口、無細膩聽著…
▲李鳳姐接過手絹、正面反面轉著看了看…
李鳳姐:嘿~
(唱) 什麼好心還手巾?
予汝畫甲全豆仁;
朱德正:豆仁高貴御中品,
龍詩鳳繡連理親。
李鳳姐:哪通假戲當作真?
朱德正:當真才是有情人;
李鳳姐:原來故意來接近,
朱德正:接近始好說婚姻… 《弄》
李鳳姐:(嚇一跳) 啊?說婚姻…
朱德正:繡巾題詩為媒信,鳳姐,我誠心誠意來向汝求親--
李鳳姐:汝、汝、汝怎通遮草性?做一擺戲著欲、欲求親…
朱德正:這是真情真意所牽引-
李鳳姐:汝實在厚面神,汝合我,總啊共、嘛才見過兩擺面…
朱德正:呣對!是三擺。
李鳳姐:(數) 嗯,就算三擺、嘛傷緊(太快)。
朱德正:人講無三不成禮儀、過三就是誠意,鳳姐啊~(唱)
(汝)生做天真又美麗,
聰明溫柔得人迷;
李鳳姐:喙水抹油胡白畫,(話)
害阮見笑紅面皮;
朱德正:一見傾心忘天地,
再見鍾情汝一个。
李鳳姐:哪知是真還是假?
驚汝風流心花花。
朱德正:三見愛汝做御妻,
山河明鑒天為媒;
雙雙對對龍鳳配,
深宮內閣永相陪。
李鳳姐:梅龍小鎮守嚴禮,
民風樸實驚人虧;
鳳兒不敢留貴客,
婚姻大事等兄回…
▲雷聲乍響、風雨大作,李鳳姐怵驚投入朱德正懷裡…
朱德正:皇天果然答應替咱做媒、風雨雷霆賀喜而來啊!
李鳳姐:哎呀…
▲os歌聲中、兩人消音做表…
【 調】
os唱:風雨雷霆留客天,
兩情相悅意綿綿;
天作之合地為典,
▲兩人相扶、緩緩入內…中隔幕徐徐而下…
os唱:只羨鴛鴦不羨仙…
怪阿兄將公子趕走,呣知何時擱來阮兜?
想著伊、心頭甜甜又亂操操…伊呀~
【 調】
李鳳姐:風度翩翩又溫純,
對阮情意有幾分?
▲朱德正悄悄上門…
李鳳姐:呣知名姓合身分,
害阮歸日無神魂…
朱德正:寡人姓朱名德正,
家住京城管眾卿;
雙十年華未婚聘,
李鳳姐:(插白) 嘿,汝擱來做啥?
朱德正:來伴愛妃訴真情。
李鳳姐:戲文取消免排對,
不必寡人伴愛妃;
朱德正:免伴貴妃換買醉,
賣酒姑娘真古錐。
李鳳姐:今日休市酒無溫,
朱德正:姑娘比酒巧香醇;
李鳳姐:人阮袂曉說情份,
朱德正:卻會心悶無神魂… 《弄》
李鳳姐:哎呀,汝哪會當偷聽、阮講予家己聽兮話?
朱德正:我是好心來還汝手巾,哪知行到門口、無細膩聽著…
▲李鳳姐接過手絹、正面反面轉著看了看…
李鳳姐:嘿~
(唱) 什麼好心還手巾?
予汝畫甲全豆仁;
朱德正:豆仁高貴御中品,
龍詩鳳繡連理親。
李鳳姐:哪通假戲當作真?
朱德正:當真才是有情人;
李鳳姐:原來故意來接近,
朱德正:接近始好說婚姻… 《弄》
李鳳姐:(嚇一跳) 啊?說婚姻…
朱德正:繡巾題詩為媒信,鳳姐,我誠心誠意來向汝求親--
李鳳姐:汝、汝、汝怎通遮草性?做一擺戲著欲、欲求親…
朱德正:這是真情真意所牽引-
李鳳姐:汝實在厚面神,汝合我,總啊共、嘛才見過兩擺面…
朱德正:呣對!是三擺。
李鳳姐:(數) 嗯,就算三擺、嘛傷緊(太快)。
朱德正:人講無三不成禮儀、過三就是誠意,鳳姐啊~(唱)
(汝)生做天真又美麗,
聰明溫柔得人迷;
李鳳姐:喙水抹油胡白畫,(話)
害阮見笑紅面皮;
朱德正:一見傾心忘天地,
再見鍾情汝一个。
李鳳姐:哪知是真還是假?
驚汝風流心花花。
朱德正:三見愛汝做御妻,
山河明鑒天為媒;
雙雙對對龍鳳配,
深宮內閣永相陪。
李鳳姐:梅龍小鎮守嚴禮,
民風樸實驚人虧;
鳳兒不敢留貴客,
婚姻大事等兄回…
▲雷聲乍響、風雨大作,李鳳姐怵驚投入朱德正懷裡…
朱德正:皇天果然答應替咱做媒、風雨雷霆賀喜而來啊!
李鳳姐:哎呀…
▲os歌聲中、兩人消音做表…
【 調】
os唱:風雨雷霆留客天,
兩情相悅意綿綿;
天作之合地為典,
▲兩人相扶、緩緩入內…中隔幕徐徐而下…
os唱:只羨鴛鴦不羨仙…