阿麗(化名)四十幾歲, 長期卧床, 簡中做物理治療時先會行下. 因為佢MR(mentally retarded)所以我o地個個都當佢係小朋友咁. d miss 仲會叫佢做"阿妹". 有時tea o個陣, d miss 都會講笑, 話明明阿麗仲大過佢o地, 都要叫佢做"阿妹", 真係搞笑~~~~^^; 通常返A都會幫下阿麗做mouth toilet, 問佢飲唔飲奶, 又問佢傷口痛唔痛, 佢有時會答"唔痛~~~", 有時會答"少少~~~". 但每次返P時問佢今日乖唔乖, 佢都一定會好快咁答:

"乖~~~"

哈~ 真係好似氹小朋友呢~^.^~

阿愛(化名), 都係四十幾歲, 有日一返工, miss就同我講阿愛d BP要Q30min. 同佢take o左兩次BP, 佢就已經覺得有d忟(其實好多要Q30min d patient都會忟, 因為隔半個鐘就take 一次BP, 下下瞓著又俾我o地整醒...) 結果之後每次Q30min take BP, 我都會同阿愛講:"阿愛~ 又係我ar~ 你唔駛理我ga la, 你繼續瞓la." 然後阿愛就會真係繼續瞓, 唔理我. 其實一早講聲, 安撫定個patient, 都係promote rest o既一個方法~
無幾耐佢就可以行番, 不過行得唔係太好, 有人扶會好d. 記得有一次中午扶佢去toilet, 佢問我幾時放工, 我話過多兩個字(十分鐘)就走, 然後佢竟然話:
"唉~~ 姑娘, 你唔好走la..."
我話:"下?"
佢繼續講:"姑娘你走o左...就無人理我o地 ga la......"
於是我同佢講話唔會, 因為之後同我交更o既同學仔都會照顧佢o地ga ma~
不過知道病人鍾意自己, 真係好冧啊~~~~ ~^.^~ 哈哈~~

之後阿愛o既情況開始差, keep住fever唔退, 又唔食得o野, 退消藥要塞rectum, 又行唔到, 要用bedpan. 不過佢都仲係好乖o既一個patient. 每次佢向我要bedpan, 見到我好忙o既時候, 都會好considerate 咁話:"姑娘你做完手頭上d o野先俾個盆我la", 有d唔乖o既病人, 你遲o左一秒serve 佢, 佢就已經鬼剎咁嘈ga la, 所阿愛係一個乖o既patient. 雖然係咁, 但佢都會有唔開心o既時候, 有時佢都會話想死o左去好過, 又話唔想連累兩個仔囡, etc. 所以我都花頗多時間去同佢傾偈.

其實四個星期裡面, 每個星期有兩, 三日返p都會見到d patient o既家人, 見多幾次, 其實大家都會熟絡, 一齊傾偈.

miss L o係佢個仔面前又問我攞no., 佢個仔一聽到就笑說:"嘩! 阿媽! 乜你咁’狼’ar!?" 哈哈~ 我都同miss L講笑, 話再問我攞no. ICAC就會o黎查我ga la~:p 又有一次有個patient個老公問姑姑幾多歲, 因為佢想幫個仔搵老婆~!**; 姑姑廿三歲, 佢問阿伯個仔幾多歲, 佢話個仔廿一歲. 姑姑講笑, 話太細, 唔o岩佢, 問有無"大d"o既. 咁o岩我同peach吹水, 行到去姑姑o個邊. 問佢傾緊咩, 佢話阿伯想搵新抱, 然後姑姑指住我同阿peach, 同個阿伯講:"呢兩個la~ 呢兩個細過你個仔ga, o岩ga la~". 嘩~! 我同peach一聽到, 即刻扮o酉要去check I/O, 閃人la~! :p
之後放工, 洗手時個阿伯話要送姑姑返屋企, 姑姑一路洗手, 一路同阿伯講:"得ga la~ 你落去攞車先la~ 我轉頭洗完手就o黎ga la~". 我同peach聽到都笑死o左~~! 哈哈哈~~~~ 好彩個阿伯都係講笑, 如果唔係姑姑o既reply一定會玩出火...^^"


出完A4, 我都有番去探過佢o地一次. miss L & 阿愛都keep on fever, 無得走住... 雖然無著uniform, 但佢都認到我, 見到我仲好開心tim. 阿愛一開始都唔認得我ga, 因為佢個人好唔舒服, 但好快佢就認到我, 仲笑得好開心tim~
之後無再探佢o地係因為... 我唔想見到阿愛一路deteriorate......