本小姐今晚

好．開．心~~!!

哈哈~ 多謝glen o黎鑽石山同我食dinner & 睇戲(<---即興的~ 睇<<哈爾移動城堡>>)~~~~ 同glen一路食sushi, 一路傾偈... 雖然d topic唔係d咩開心o既topic, 但就傾得好自在~
聽完glen講o既o野, 個人好似又諗開o左好多. 原來d問題唔只我自己發現; 有問題o既唔係我自己, 係environment/people around deteriorating.
食sushi o個陣做o左一件頗任性o既事...難得glen咁無所謂...哈哈~^^;

o係o度好想鳴謝四個人:
謝謝paulpaul o既安慰 & sharing~ 你呢個同學仔真係唔錯~
謝謝雄雄百忙之中抽時間同我chat
謝謝阿雯&雄雄o既genuine sharing
謝謝阿glen o既sharing too. 仲有謝謝你餐飯~ 第時我搵到錢, 我都要請你飯~^^

最近睇清o左一部份reality o既醜陋面, 又或者...根本就係咁現實... anyway, 全靠你o地o既sharing, 我先可以cope with them.

畢竟我都係一個perfectionist, 對好多o既都會又期望, 亦可以話我本身個人唔鍾意"轉變". 對於一d現存o既o野我會認為係咁就係咁, 並稱之為"ideal"; 一旦有變, 就覺得好難接受...
似乎完美主義之外, 仲有d單純, 諗o野tends to 唔好咁complex.
但有起事上o黎, 就會諗到錯綜複雜......~_______~"

今晚睇<<哈爾>>, 超正~! 宮崎駿d卡通, 仍舊fascinated me alot~ 今次<<哈>>好有<<天空之城>>feel~ 個story本身並不及<<千與千尋>>, 但我覺得兩者又好似不能混為一談... 個story都有幾多msg. msg呢d o野, 一個個人get 到o既.
當中講到"魔鬼靠唔住", "魔鬼唔會promise任何事/人", "唔好同魔鬼交易", "你用幾多同魔鬼交易, 你就只能收番幾多, 多都無", "同魔鬼交易會使人沉淪", "魔鬼無能" 仲有講到打杖. d"魔術師"加入戰團, 當中暗指現實社會d人係為o左"名和利"而打杖, 仲要係d不必要o既杖. 而女主角變成老太婆之後o既積極, 正面o既反應, 雖然有點兒令人難以置信, 但確實能帶出"正面面對人生的起跌"o既concept.

同埋成套片講得比較多d是"愛". 稻草人, 哈爾, 蘇菲都受到"很強, 很難解的魔法"支配, 但最終還是因著"愛", 才能將魔法一一解開. 而哈爾亦因著愛蘇菲, 想保護對方, 才併死抗戰. 而蘇菲雖然變成了婆婆, 但隨著她對哈爾的愛意增長, 她亦漸漸愈見後生, 由成初的曲背婆婆, 及至可以挺直腰骨, 繼而面上縐紋減少, 最後回覆成後生女(雖然依舊白髮). 宮崎駿o係呢方面o既用心, 真係妙絕~! 個人認為這帶出------"愛", 使人變得年輕. 而哈爾一向喜歡"靚女", 最終愛上蘇菲這樣貌平平的女子, 可見------"愛", 使人變得美麗.

"愛", 真係好利害!

"愛"的感覺久違了, 最近都唔愛身邊o既人(包括你o地), 睇o左呢套戲, 似乎...有一種提醒......

p.s. 之前聽人講開, 宮崎駿卡通裡面d女主角都總是會短髮, 或是長髮的, 也會途中變o左做短髮. 我諗...大確係因為佢想用"短髮"象徵"勇敢"; 中途變髮型, 係象徵人物character上的轉型. 由長髮變短髮的角色, 大多都睇到起初(長髮時)做事缺少了一份勇氣, 果斷; 但當轉髮型(短髮)後, 就會變得充滿自信, 做事頗為奮不顧身.