尋日約o左阿萱一齊去遠遠個受浸聚會, 約o左佢今日一點一齊食lunch~

朝早返主日~ 今朝唱詩唱番一d好耐都無唱過o既詩歌, 覺得好正~~
<<天地讚美>>, <<獻上頌讚>>, <<十架犧牲的愛>>, <<十架的冠冕>>
次次唱親<<十架的冠冕>>都好感觸...死穴~~~>______<
今朝講道講出埃及記12:3-9. 原來"烤"這個動作也有如此大的含意...
一路聽道 一路更肯定我所信的是無錯.
親愛的~ 有些事你是知道, 你是感受到的, 只是你看不見, 忘記了...
要對主有信心.
當然有許多事我o地係能夠靠自己去完成, 只是我們所得的救恩, 不單只在乎主如何領我們的人生, 更重要的是, 主耶穌曾降生為我們的罪被釘死, 祂用重價救贖我們, 祂的愛就在此向我們顯明. 這是鐵一般的事實, 是無可否認的. 而你亦很清楚的...
基督徒有不好的見證/差的行為, 並不代表神是不可信/無能, 這是因為人就是人, 人就是軟弱, 人就是喜歡犯罪, 人o既深處(Id)係醜惡o既, 是人選擇去行這條路......

完o左主日就o係教會影相, 之前雄雄講o左會帶件畢業袍番o黎同我o地影相~ 哈哈~~ 佢件畢業袍好靚ar~~ 係我最鍾意o既------紫色ar~~~ *0* 我都好想第時有得著畢業袍, 戴博士帽ar~~~>.< 都唔知bachelor of nursing grad 會唔會有畢業袍&博士帽... 為免日後會無機會, 所以今日我借o左佢頂博士帽o黎戴, 過下癮都好ma~~~ ^.~ 之後amy & 阿德都著o左畢業袍. 哈~ 又走o左去同佢o地影lu~~ 然後rebecca 又有著wor~ 再影la~~^0^
呀~~~ 真係好恨! 好恨著畢業袍ar~~~>w<

然後就同阿萱, 阿芬去食lunch, 一齊傾下偈~ 好耐都無關心過錫安d弟兄姊妹lu~ 阿萱...我會為你禱告ga, 千祈唔好灰心ar~ 記住事奉唔係個人show, 而係"與主同工". 加油ar~ 多禱告. 愛弟兄姊妹, 係要付上時間的~

食完就去鄭榮之中學睇遠遠, carol, 阿舜, linder, mandy, jay受浸, 佢o地都係我o既師弟師妹~~~ 睇到佢o地受浸, 真係好開心ar~~ 可惜o既係無機會聽到佢o地o既得救見證, 原來因為佢o地之前已經o係教會o度分享o左, 所以今日無佢o地o既sharing session. 今日仲見到好多老師ar~ 有劉sir(+一家人), 蔡sir & miss wong(bio). 佢o地都有o黎睇d學生受浸ar~
完o左個聚會就...哈哈~~ 又係狂影相la~ 多日真係影o左超多相~~~ 好彩我今日個樣都見得下人ja...如果唔係我一定唔肯影law~~~^.^

走o個陣同遠遠間教會o既一個小妹妹(10歲, 讀循理小學)一齊走, 因為咁o岩佢住新翠, 而我又去新翠搭車wor~ 其實我都唔記得佢叫咩名, 不過佢好得意, 頭先係咁同我o地影相, 又好鍾意同我o地傾偈wor~^0^ 我同佢手拖手一齊o係火車站行去大圍, 哈~ 好似拖住個妹ar~~ 佢一路行一路同我講佢o既一次出街經歷, 我一路聽一路愈發覺小朋友係真係"egocentric" o既. 其實我唔識佢d朋友仔, 之不過佢會照講俾我聽佢o地d名, 因為佢會意為我知佢講緊邊個~~~^^ 有趣~有趣~