尋晚返到屋企, 知道uncle paul叫o左爸爸落去(16樓)幫佢手抺屋...
我一聽到真係火都o黎埋!!
我唔知點話俾你o地知, 但我就係好嬲. 一直以o黎uncle paul同埋佢老婆(我阿嬸)成日都"點"我阿爸做o野, 尤其係穎宜出o左世之後就更甚~ 阿嬸成日都借故叫阿爸幫佢做呢樣做o個樣, 當正我阿爸係"阿四"咁~! 又不分尊卑! 嫁o左入o黎李家之後, 一聲"阿哥"都無叫過我阿爸, 淨係o係o度不知所謂咁叫我阿爸做"光仔", 離o酉譜!! 無大無細! 我作為我阿爸個女真係勁睇唔過眼! 我已經有好多次想當面同佢講清楚, 叫佢唔好再咁無大無細咁叫我阿爸ga la~ 但次次都諗到我一講完, 就肯定會成個家族一齊向住我o黎話, 變相好似我錯咁.

生完穎宜之後又成日叫我阿爸落百佳幫佢拎o野. 痴線!!家陣你無老公ga! 我阿爸又唔係你個工人, 你憑咩o係o度點我阿爸做o野ar!?! 你老公放工返o黎辛苦時, 唔通我阿爸放o左工返o黎就唔辛苦la wor!?! that's ridiculous! 更何況佢仲係你o既長輩o黎ga!家陣你生完個女就大o酉ar!?! 我阿媽生完我o地兩個之後, 月都未坐完就要洗衫, 煮飯la~! uncle paul成日都話阿嬸生完辛苦, 傻o既! 講得咁好聽, 又唔見你當年咁體恤我阿媽!?!

尋晚我一知道佢o地兩個又是咁無賴, 真係嬲到我死! 除o左嬲之外, 我仲好心痛, 因為...我阿爸係病緊ga...~~~>__<~~~ 點解佢o地兩個可以咁過份ga...!?! 成日都扮o酉o野話"一家人, 一家人". 我先唔想同你"一家人"ar!! 如果我唔係錫穎宜, 我真係o采你都傻! 你要人尊重你, 唔該你首先俾我睇到你係"值得"我尊重先~ 你要我叫你一聲"阿嬸", 唔該你叫我阿爸一聲"阿哥"先~~ 一餐飯就想駛死人, 咁不如倒番轉, 我請你食飯, 你o黎幫我o地抺屋ar!?!

o係o個一刻我好想即刻落去同uncle paul& 阿嬸理論, 但聖靈o係我裡面同我講o左一句說話:
"要慢慢的動怒..."
我一路唔俾自己出聲, 因為我唔想觸動怒氣("言語暴戾, 觸動怒氣"), 我淨係坐o係張飯枱前, 一路嘗試calm down自己o既情緒. 漸漸地, 我會諗到, 其實呢個家真係好難頂, 所以或許阿爸寧願去做人阿四, 都唔願意留o係屋企... 加上阿爸都唔speak for himself 時, 我呢個做細o既又可以出咩聲wor... 然後我o既心情漸漸由"嬲", 演變成"無奈". 我同主講: "我真係好嬲uncle佢o地, 但我知我今次要忍, 因為你要我學習忍耐, 和平. 但我真係覺得好難受~~~ 我好想即刻走落去鬧佢o地~! 但聖靈有攔阻, 我個心好唔平安. 我到底可以點...!?! 我真係覺得好唔公平, 點解"人善"總是被"人欺"!?! 點解uncle佢o地可以咁無賴?! 點解我o地對佢o地好時, 佢o地就會take it for granted, 且得寸進尺咁過份!?!"
一路o係o度同主講我o既感受, 一路個人開始冷靜落o黎.
最終我無落到去16樓同佢o地理論, 但我就成晚都好嬲阿爸, 無理佢, 我嬲佢點解連自己企出o黎拒絕人o既能力都無, 咁無用...
我成晚都唔出聲, 直至一點幾先發覺原來自己要食藥, 頭先又淨係食o左兩啖飯, 所以跟住就食o左個提子包, 順便將無食到o既飯+餸放入個飯盒o度, 當係今日o既lunch.
************************************************************************
後記:
今日放學返到屋企, 俾我知道穎宜俾我阿爸傳染, 病o左發燒.
雖然係好衰, 但我不得不承認, 當時我一聽到, 我即刻成個心都涼o酉~~~!
誰叫你o地連病人都唔放過, 死都要我阿爸病住咁幫你o地抺屋!? 依家搞到個寶貝囡病o左, 真係抵你o地ｇa!

自找的!!