剛才無聊得很, 結果好無聊咁將Dr.Ip(o岩o岩先知係"Ip", not "Yip")個名打入yahoo o度search(係琪琪教我做d咁騎呢o既o野gei~~:-p), 點知真係俾我search 到~~~Dr.Ip個名好得意ga~ 感覺有d似古代o個d人d名咁ga~~^.^ 然後俾我search到三個同佢有關o既websites, 其中一個我睇完之後, 有些after-thought, 想記下來.

個website係一個document, 由一班社工&心理學家一起製作的, 內容是case study, 再加入眾人的檢討, 主要係for staff去睇o既. 我原本只係想睇下Dr.Ip d個人見解, 及後又讀了一些case, 繼而讀o左半份document~(total超過十版, d字全是細character).

讀後:
1)發覺Psychologist o既能力原來都是很有限的, 有好多case follow o左好耐, 動用了幾位Professional去handle, 都不能解決.

2)知道Dr.Ip 和其他staff近年好努力咁, 嘗試用一種新方法去協助client處理家庭問題, 那是一個"治本"的方法, 只是o係practical上很有難度.

3)知道了多些Psychologist 處理case o既手法, 令我更加懂得如何配合Dr.Ip.

4)終於明白為什麼Dr.Ip話我家的問題比較難去處理, 原來我家中所存在的問題, 是集多個家庭問題於一身的. 因此當我去睇那些cases時, 感受頗深, 亦看到過往的社工&心理學家在處理這些問題時(in seperate case), 踫過不少釘子. 他們要學懂去用suitable way to solve the problems, 並不簡單, 所需時間亦很長.

5)把家中的問題看得更清楚, 更明白解決問題, 確實不能單靠一人之力; 我aware到但其他人aware唔到, 係無用o既.

6)發覺做Psychologist真的非常不簡單. 有些人或會覺得我適合成為Psychologist, 但其實我是不適合的, 關鍵並不在於我成績不及, 而是我知道當我去面對那些case, 我的client 時, 我是不能夠抽身的. 即使面談過後, 我還是不懂得抽離. 曾經跟Dr.Ip談過這個問題, 他亦坦言要懂得抽身, 確實不是一件易事, 有時或多或少都會將到一些情緒帶回家中. 一方面要抽離, 但另一方面卻不能過於抽離, 否則會不能代入事件中, 亦不能與client建立關係. 若然太過抽離以致缺少了同理心, 那就不能為client找出最佳的解決辦法.

一個男人尚且感到不容易控制個人情感, 對於我這樣的一個感性女子, 會更難吧!

7)發覺結婚很重要, 不論是對於教會牧養事工, 或是在社會工作, 一個已結婚的社工/心理學家, 會比一個未結婚的更懂得處理家庭個案, 未結婚的只有theoretical上解決辦法的認知, 但已婚的不單只有theoretical上的認知, 還有practical上 o既認知. 因此他們(已婚的)在處理case或安慰client時, 會不至於"空口說白話", 有如"紙上談兵"般.


那已是三年前的document, 盼望三年前他們遇到的問題, 如今已經懂得去解決, 並且能夠繼續幫助到更多無助的家庭.

************************************************************************
Rebecca~ 為了要成為一個稱職o既Psychologist, 你要加油ar~~~ >__<
我實支持你ga~~ ^____________^