話說上個再上個星期, Melody忽然問我:
"Miss Lee 呀~你幾多歲呀?"
當時我在對Pinky, 同埋Kelvin d 功課,所以低著頭回答說:
"十八."
點知佢跟住好驚訝咁問:
"吓!?!十...八...歲...!?!你講真定講假呀, Miss Lee!"
我一聽到佢竟然咁抵死咁問我呢條問題, 我即刻抬起頭問佢:
"乜我唔似咩?"
"吓?我以為你廿幾歲呀!"
佢唔講尤自可, 講起就其他小朋友同埋一齊講:
"係呀!係呀!我都以為你廿幾歲ga la~"
"我都係呀!"
"我都係呀!"...
當時我o既感覺只有"無奈"...
之後melody又問:
"Miss Lee你住邊ga?"
"Miss Lee你屋企有d咩人ga?"
"Miss Lee...
我答完佢d問題之後就問番佢:
"你查我家宅呀?"
Melody笑著回答:"哈哈!唔係呀!"之後佢就俾boss叫佢唔好問我咁多o野.
本來件事都無乜o野, 應該就咁結束, 點知...

上個星期四, Pinky無端端又問我年齡o既問題:
"Miss Lee呀~你真係十八歲ja?"
"都話係lor!我呃你做咩o者!?!"
其實Pinky一向好鍾意同我"爹", 又會好似friend 咁搭我膊頭, 有時見到我d dangled eyerings 時, 佢又會o係到摸, 跟住就會話:"呀~Miss Lee, 你隻耳環好靚bor~".o個日boss唔o係o度, 佢就梗係仲多o野講la~
之後佢同Gilda一齊問Miss Lai幾多歲.
"你地估下?"Miss Lai 問.
Miss Lai同我同年, 今年都係form 7.
d小朋友就估:
"十八!"
"十五!"
"十三!"
"十四!"
有無搞錯呀!!!估我就廿幾, 估佢就十幾. 雖則我睇落無十三,四歲咁細, 但都不至於廿幾ar ma!?!
之後Miss Lai話同我同年, 然後d小朋友又問佢幾多月生日.
d 小朋友唔問我都唔知, Miss Lai原來大我成7個月, o岩o岩生o左日, 依家十九歲.
d 小朋友問到我幾多月生日時, 我話十二月. 結果佢o地又好誇張咁話:
"o下!?!?! Miss Lee 原來仲細過Miss Lai ga???"
呀!!!救命呀!!你o地駛唔駛咁呀!?!
之後我好介意, 放o左工, 返到屋企, 都仲好介意.
結果到o左第二日, 我好刻意咁著得後生d(並不是低B d!), 打扮成十八歲的模樣.(真係諷刺~我明明就係十八歲, 都唔知點解要做到咁~~~~ *___*;)
返到去我問Pinky:
"我今日似唔似十八歲呀?"
"似呀!"佢終於都明白, Miss Lee "真係"得十八歲ga ja~~~~
boss 聽到我咁問Pinky覺得好奇怪, 於是我將昨日的事話番俾佢知, 結果佢都忍唔住, o係o度笑...
唉!真悲哀~~

女人...畢竟都係會介意自己o既年齡...