剛剛八卦看人的網上日記，看後有一些感受。B君一直不喜歡K君，初初都覺得是他較為小氣，但近日K君的一些行為，加上他日記上對自己的行為的辯解，令我更加認同B君，更明白他的感受。
B君今星期勁多嘢做，本來個個在這時候都多嘢做，這是冇得怨。但是，其中一科擺明是要大家合作的，結果直到前一日才正式齊人去傾，之前整份計劃書都只是得兩個人去做，結果當然做得勁好啦﹗我明白組員中有些人不做嘢，但並不是一個藉口，叫佢做，或自己去做，起碼你自己並不是唔做嘢的人，但請問你自己又做了有幾多呢﹖
因為我要錄帶嘛﹗請問有邊個唔駛呢﹖你話自己錄得差，要錄多幾次，亞B君前前後後亦錄了三次(以我所知)，人地唔辛苦﹖結果B君亦全部攪惦，他是超人嗎﹖
這些都可以原諒，但最令我看不過眼的，是他個人的態度，無錯，他是左一句多謝，右一句感激，但跟著他又會說其他人有人體諒，但自己又冇，受盡委屈咁，大佬呀，工作是自己的，人地不是必須要體諒你的。
最後，我覺得這人永遠不會接受人的意見和批評，什麼我都明白別人的批評是這樣，別人的批評一定是唔好態度。檢討的目的就是透過不斷的意見去令下次做得更好，過程是辛苦的，別人不斷攻擊和批評，但之後的得著是確保你下次不會再犯同樣錯誤。否則，檢討有X用咩﹗你估個個都唔俾意見，你識唔識改好﹖
如果連一些批評又接受不了，又會自己冇用，這樣不只是社會工作，其他工作你亦難以去做。而且，作為一項專業，你現在被人批評，責罵，肯定好個在真正工作時做錯，到時不只是你自己的問題，更會影響俾你幫助的人。被我選擇，我寧願現在死好過將來黎真時死，如果你句句都話自己做得唔好，天資差，咁冇自信，不如放棄啦﹗費時將來害人﹗
一個做人永遠自怨自艾，又永不覺得自己有錯，永遠只是其他人不好，其他人針對你，這樣的做人態度，無得頂﹗﹗﹗