Happy New Year~!!新一年希望自己依然咁好彩~!係度祝福大家會有一個愉快,難忘,盡興既2005年~!!

尋日係陳德建度訓到成3,4點先返屋企,跟住打完邊爐夜晚上咗6家姐屋企倒數,大概今次既倒數活動係呢幾年最hea既一次~得我,阿bun,6家姐同10妹4個~我都成10點先上去,本來晏畫6家姐同10妹叫我出去行街,不過最尾因為成日都唔係屋企就留返係企先~開頭阿bun未黎大家冇野做又係睇返隻7A VCD,感觸依然都有,不過因為呢輪睇得太密既關係,心情已經平靜咗,不過佢地仲係好有feel...跟住打埋個日記玩埋個層層疊阿bun就黎咗~估唔到搵到副紙牌麻雀,結果就玩咗d自己都搞唔清係麻雀定係啤牌既野~!!大家都係係度hea玩~

"5...4....3....2....1...."
就咁2004年成為咗歷史既一部份....哈...2005-仲記得中學時代既我覺得呢個數字係應該幾個世紀先到~不過事實証明時間係過得比你想像中要快,歲月催人lu....

玩完一輪無聊留言俾5家姐~哈~好低能,跟住一點就散lu...冇晒車搭唯有行過去村口搭小巴,個段路真係涷到痴肺~!!我同10妹爭d暈低咗,其實係我地都覺得係身體弱咗就真~!!好似好耐都冇同過10妹一齊返屋企~係呀~都成年啦~2004-2005~哈哈哈~

今日原本以為3點踢波,水咗大佬落黎香港仔先知原來踢5點,所以上咗李偉倫度打機先~不過大佬好慘呢~臨出門口個陣東窗事發,俾人"phone殺令"~!!

唔知點解班友仔慣性每年都整壇"賀歲波",得個10鬆度都要踢~嘩~!去到個球場連個"指公"都冇感覺,成個人都跑唔郁~!不過恐怖既大佬依然都係滿場飛~好快佢又整咗一粒~!!

我都冇咩特別表現,淨係有個asst俾老明,本來仲有個左腳直線俾入鍥禁區既李偉倫,不過佢射斜咗~另外我有次笠波中楣~!!

踢到7點幾先返屋企聽叱吒,叱吒依然固我,唔buy大名buy local...
達明一派,夠晒爆笑,真係好難想像當初呢兩條顛佬點樣相遇,你覺得當michael jackson遇上蔡楓樺會係點??
i love u boyz,搞事搵其他時間,唔好係頒獎禮呀唔該~
黃偉文,"鄧綷雯言論"真係好有味道,雖然有時人講野唔太體係真係好易俾人話,不過有時呢d咁既言論又真係好鬼抵死同啱聽~!!哈~最好一年365日都對住d"荔枝"講一次..
林海峰加森美既勉勵而唔係訓話既今晚冇獎攞,真係夠pop,俾著坐係下面個個係我,一早上台打獲佢~哈哈~
阿gill,條友都唔知係咪high咗野,擺明知係自己law都可以起勢喊~其實佢係咪今日有"親戚"搵佢痛到喊ja??
容祖兒,我以為佢仲拍緊四葉草唔得閒搵衫,定還是佢祖籍係吉卜賽?
劉浩龍,見佢等呢個獎等到條頸仲長過薛凱琪,真慘~分分鐘今年拎完,出年都可以收山~!!
李克勤,因為冇三甲男歌手而格硬窒個唱作人銅獎俾佢,唯有當係"實力非凡女藝人"既續集law....
林一峰,無厘頭捧咗佢上神台入五強,搞到鐘意都變咗唔太鐘意~最大獲既係....咁方力申,華仔佢地點算呀?
楊千嬅,開始明白點解會搵佢做歌星拍喜劇,如果佢仲做緊護士,笑住咁幫人打針都咪話唔驚,搵個"kai"既黎做..哈哈~
古巨基,見到佢攞獎當然開心,實力得到肯定~不過背後既反思係有時候"眼淚"的確都幫到唔少分數,瓊瑤原來睇中佢呢點~!

睇完個叱吒都成點鐘,跟住又睇埋曼聯個場波,呢輪覺得唔知係曼聯d波悶咗定係自己容易lum低,又係訓住睇波~!!