我而家會講返一個我覺得最令我唔開心既一段情俾你地聽。
這段情係發生係三年前，我仲記得認識他的初時，佢對我真係好好，成日同我去行街、睇戲、傾電話，我地過得真係好開心，日子一日一日咁過去，估唔到咁快就係一週年拍拖紀念日。我們原本約好左去唱Ｋ、睇戲、溜冰，點知佢一早打俾我話唔得閒，要陪佢屋企人，所以我唯有留係屋企對住部電腦。第二日，我打俾佢，竟然有個女仔聽電話，我話：唔該搵，阿偉哎。之後，個女仔話：等陣，阿偉聽電話。之後，我問阿偉：個女仔係邊個？佢話：個女仔係我個妹。我梗係信佢講野啦。之後，我同佢傾左好耐電話。
有一日，唔知點解阿偉係學校同人打起上黎，俾人打得好傷入左醫院，我每日都有探佢，每日都留到好夜至走，又唔敢離開佢視線範圍，因為我唔想佢郁咁多，等佢好好咁休息，但係佢好似唔想我去探佢咁。每次探佢，佢都同我發脾氣，我真係勁唔開心，但係冇辦法啦，佢係我男朋友。
過左四個禮拜，佢終於好返仲可以出院，不過佢出院o個時，冇打俾我接佢走，只係叫左佢既朋友接佢。有一次，我出街買野，打俾佢叫佢陪我，佢話唔得閒要做功課，我就叫佢快Ｄ做好功課。然後，我行行下街見到佢入左出影貼紙相，我跟住佢諗住嚇佢啦，點知佢拖住個女仔仲攬住佢，我當見唔到咁走開左，佢o個晚即刻打俾我話要分手，我唯有接受現實，因為點都改變唔到。
不過我真係好唔開心，點解我為佢做咁多野，佢都唔珍惜我，一句分手我地就分開左。



作者：小寶