好累呀……今朝晨早九點番去學校做Kitty個double gloves research，原來個research assistant係阿朝個friend，世界真係細。過情都幾得意，不過幾唔reasonable，一個人點換大人片呀大佬……

原來九點半到楠楠，咁我就去左圖書館溫住書等佢。都無乜心情溫，上午好似集中唔到，神遊太空。之後同個女傾左成個鐘電話，就去學唱歌。愈學愈無心機，今日仲忍唔住發左一野脾氣，搞到Patsy都驚驚地。我愈來愈覺得自己唔係一個performer，覺得自己無天份唱歌。

四點半上tut，present又係玩遊戲，玩死我……因為係Ivy阿ling阿ben佢地個組，所以唔可以唔做馬，唯有勁participate啦……點知佢原來有個幾個大獎，我拎左個最投入大獎，獎品係佢地唔知係邊度拎黎既不知名Coupon。最搞笑係ｄCoupon唔知道係邊間舖頭用，玩咩～！阿宗就好啦，做左遊戲王，仲有份咁好既禮物，哈哈！

唔記得帶CD俾Kaki，所以唯有番宿舍拎俾佢。結果我就係學校溫書啦。溫到好悶，出左去睇波，今日場波幾好睇，幾勁，一面倒咁打，但係好奇怪地隔離有個中年男人好投入，叫晒出黎，咩「中間！！中間呀！！」又話「好波！！！」，佢好似覺得自己係教練咁。叫到傻佬，梗係走人啦。

今晚本來諗住等HB兄食飯，點知佢lecture overrun，可能有人陪佢食，所以我都係走人啦。一支弓，去左「食唔飽麵店」食左個雲吞麵同菜心，十五蚊好抵食，不過真係岩岩夠。

小瑜今晚又唔番，多謝佢部電視，好似專登搬入黎俾我用。

總結今日食左既野：一個腸仔飽，兩件吞拿魚三文治，一個雲吞麵，一條菜心，兩罐咖啡，一公升果汁，一包牛奶……估計卡路里大約千五。