昨晚因為同房小瑜要趕功課，佢叫左兩個女同學落黎，搞到我唔好意思訓覺……

今朝本來諗住早起身，結果都要到九點幾十點先起到身，唔夠訓既狀態下去左又一城Pacific Coffee飲野溫書，結果係咁釣魚。佢地ｄ咖啡唔知係咪低咖啡因，無乜效。

之後同個女去行左陣。好耐無行過又一城，感覺很突別。

送完佢番學，番左學校借書。突然收到屋企打黎，原來我考八級成績出左，有Merit呀，哈哈好開心呀～！

跟住我就番番宿舍休息一陣啦，點知又發惡夢……夢見我俾人鬧完，跟住見到Ivy、阿ling佢地問我做乜俾人鬧。上次發惡夢俾人追殺，又係佢地走出黎救我。點解次次見到佢地都係發惡夢……

跟住打俾HB，諗住搵佢一齊溫書，點知原來我一路都誤會左佢話落樓下溫書原來係指去Lib既一樓，所以我又死死地氣番番圖書館。

去到圖書館，又搵唔到佢，原來佢坐得好隱敝。跟住溫書個陣都係咁釣魚，到九點幾先至在狀態。不過依家呢個進度，實溫唔切。

圖書館關門，我同佢去左海皇食粥，勁飽。

番到黎，阿恩話class rep打錯字，睇完都笑死我…「請準快激交」…

跟住同房又無啦啦話要番屋企，叫左佢爸爸車佢走。但係佢叫佢爸爸做「靚仔」……其實佢叫所有人都係叫做「靚仔」，包括尋晚係度ｄ女仔都係……佢好搞笑，我講一句叫佢講俾佢爸爸知，佢就modify左先講，搞到ｄ意思轉晒……教左好耐先識渣入黎。

今晚得我一個人，可以為所欲為，哈哈～～～