之前0係message board見到Capo要走既消息，
天下無不散之筵席，Fai fai你都無謂太傷心勒，呵呵！
不過言歸正轉，希望Capo你返到去一切順利！
其實同你識左唔係好耐，
但係我覺得你教識左我好多野，
我好記得你曾經問過我一個甘樣既問題，你話：
"遺憾同後悔，你會揀邊樣？”
我當時同你講我會揀遺憾，
之後你問我點解，但係一直都無機會答你~~
其實原因好簡單，我覺得遺憾同後悔相比，
遺憾比後悔少一點苦~~
就好似你好想買一個公仔，
但係個公仔既價錢實在太貴，
一時間你買唔起，所以你立心去儲錢，
不過到你儲到足夠既錢去買佢既時候，
佢又已經比其他人帶左返屋企，
可能你會覺得好遺憾你唔能夠擁有佢，
但係正因為擁有佢既唔係你，
依隻公仔0係你心入面永遠都係最靚最可愛既~~
得唔到往往都係最好，
雖然有遺憾，但都算係一種缺憾美！
同樣地，我覺得愛一個人都係一樣，
就算唔可以同自己鍾意既人0係埋一齊有時都未必係壞事，
得到未必係好，得唔到反而可以永遠留下一個好印象！
所以遺憾雖然無奈，但係終比後悔好！
會令自己後悔既事，都係一D不堪回首既記憶，
既然遺憾同後悔都會令人痛，
但係遺憾痛得黎或者尚存些少值得回味既地方，
甘0係遺憾同後悔兩者之間，
遺憾顯然地比較可愛~~