8月12號，零晨12點有多，
本來諗住去同周先生傾下心事既時候，
Mr. Chan突然0係房裡面嗌出黎話今晚有流星睇~~
本來都無心睇因為已經頗疲惓，
但係Mr. Chan好少甘有閒情叫我睇流星，
甘就姑且陪下佢同陳太睇喇~~
點知坐落無耐，嘩，真係有流--星--呀！！
仲要係好閃好亮既一大粒tim 呀！
可能天氣好又無雲既關係，
所以真係睇得好凊楚~~
不過當我嘩完，叫完，興奮完之際，
陳生陳太先黎問0係邊依個問題，
我想講家陣係睇流星，唔係睇動物園D猩猩，
佢點會留0係度等你黎望佢呀！
如果佢地唔係0係豎吱吱jump就睇到喇！
不過世事既野就係甘，當大家3對眼，
眼定定望住個窗等見佢既時候，佢又唔出現~!
到過多一陣，陳生行開左，嘩，佢又黎喇！
今次陳太醒目，我一嘩既時候，
佢就即刻9秒9朝我既目光望過去，
所以今次佢都見到~~
不過到陳生返黎，粒流星又走左lu~~
如事者連續發生左幾次，
一黎，一拎轉頭，一望，佢就閃左勒！
睇得兩睇陳生都睇到無癮，
所以佢都係決定去搵周公好過！

雖然唔知今次既流星群叫咩名，
但係對比起上次既獅子座流星雨，
今次見到仲多過上次喇！
我成世女都未見過甘多流星架！
本來真係好（支力），
但係睇完之後唔知係咪太過興奮，
所以竟然成晚訓唔著，
連陳太都係，哈哈！