尋日唔知做乜，入極都入唔到黎，
唔係我唔想寫，係佢唔比我寫je~~
今日本來約左朋友仔去TD買生日禮物比Grace grace，
但係天有不測之風雲，本來都好好天既，
但係到左3點幾就落起大雨，仲要閃電，
為著朋友既安全，都係叫佢打道回府，遲D再出過黎啦~~
但係最後自己都有落到TD，不過行左個半鐘，依然買唔到野出黎！
好在走既時候雨已經停左~~

返到屋企6點幾，無無聊聊上左dc fever睇dc，
睇黎睇去，始終都係新色Casio Z40最吸引，
第一眼見佢既時候已經比佢迷得一陣陣，
不過據聞Z40唔多掂，所以靚野都係望下好喇~~

早排同亞Grace 0係宣明會助養左個仔仔，
估唔到佢會寫信比我地!好感動呀！
準備回信，但係一時間又唔知寫咩好~~
其實助養小朋友真係好有意義，
可能大家每日食少杯雪糕，
對佢地黎講已經起左好大幫助~~
依家因為減肥，所以深深感受到挨餓既滋味真係好難頂，
如果可以，好想盡量幫助有需要既人~~